Ysay 57:7 - An Bibel Kernewek 20234 (Kernewek Kemmyn)

⁷ War venydh ughel hag eksaltys ty re worras dha weli; ynwedh ty a yskynnas ena dhe offrynna sakrifis.

Ysay 57:7 ပူးပေါင်းရင်းမြစ်များ

Ysay 57:3

Mes dewgh nes omma, hwi vebyon koelyoges, has avoutrer ha hora!

Ysay 65:7

aga hammweythresow ha kammweythresow aga thasow war-barth, yn-medh an Arloedh. Rag i dhe leski offrynnow war an menydhyow, ha'm skornya war an bronnow, my a wra musura yn aga barrlenn an attal a'ga gweythresow kyns.

Yeremia 2:20

Rag nans yw pell ty a dorras dha yew, ha tardha dha rawyow; ha ty a leveris, ‘Ny wrav vy servya’; rag war bub bre ughel hag yn-dann bub gwydhenn las ty a wandras, owth horya.

Yeremia 3:2

Drehav dha dhewlagas dhe'n ugheldiryow moel, ha mir: ple na wrowedhsons genes? Ty a esedhas ragdha y'n fordhow kepar ha'n Arab y'n gwylvos; ha ty re dhefolas an tir gans dha horyans ha'th trogedh.

Yeremia 3:6

An Arloedh a leveris dhymm ynwedh yn dydhyow Yosia an myghtern: A welsys an taklow dislel a wrug Ysrael? Hi yw yskynnys war bub menydh ughel hag yn-dann bub wydhenn las, hag ena hi re horyas.

Ezekiel 16:16

Ha ty a gemmeras re a'th tillas, ha gul ragos dha honan tylleryow ughel liesliw, ha gul fornikasyon warnedha. Ny dal hwarvos, na ny vydh.

Ezekiel 16:24

ty a dhrehevis growedhva ragos, ha gul ragos tyller ughel yn pub plen.

Ezekiel 16:25

Orth penn pub fordh ty a dhrehevis dha dyller ughel, ha gul aborrys dha dekter, hag igeri dha dreys dhe bub tremenyas, ha ty a lieshas dha fornikasyon.

Ezekiel 23:17

Ena mebyon Babylon a dheuth dhedhi, dhe'n gweli a gerensa, hag i a's defolas gans aga lust. Wosa bos defolys gansa, hi a dreylyas dhiworta, divlasys.

Ezekiel 23:41

Ty a esedhas war weli splann, gans moes pareusys a-ragdho may settsys warnedhi ow ynkys ha'm olew.

Ezekiel 6:13

Ena hwi a woer my dhe vos an Arloedh, pan vydh aga re ledhys yn mysk aga idolys a-dro dh'aga alteryow, war bub bronn ughel, war oll pennow an menydhyow, hag yn-dann bub gwydhenn las, hag yn-dann bub terebinthenn dhelyek, le may rosons ena sawer plegadow dhe oll aga idolys.