Ysay 57:2 - An Bibel Kernewek 20234 (Kernewek Kemmyn)

² Ev a enter bys yn kres. I a bowes war aga gweliow, ow kerdhes yn kompes.

Ysay 57:2 ပူးပေါင်းရင်းမြစ်များ

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

2 Kroniklys 16:14

I a'n ynkleudhyas y'n bedh re droghas ev ragdho y honan yn sita Davydh. I a'n gorras war eler kudhys gans spisys kemmyskys yn konnyk; hag i a wrug tan bras yn y enor.

Job 3:17

Ena an debeles a hedh trobla, hag ena yma an re skwith yn powesva.

Salmow 37:37

Merk an den divlam, ha mir orth an den ewnhynsek, rag yma henedh dhe'n den a gres.

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Ysay 14:18

Oll myghternedh an kenedhlow, a wrowedh yn glori, peub yn y vedh y honan;

Ysay 26:7

Fordh an den gwiryon yw kompes; ty a wra leven hyns an den gwiryon.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Ezekiel 32:25

I re wrug gweli rygdhi yn mysk an re ledhys, gans oll hy routh, ha'ga bedhow a-dro dhedhi, i oll antrodreghys, ledhys gans an kledha; rag i a wrug aga euth yn tir an re vew, hag i a berth aga meth gans an re a dhiyskynn dhe'n pytt.

Daniel 12:13

Ha ty, ke bys y'n diwedh, hag y hwredh powes, ha degemmeres dha rann orth diwedh an dydhyow.’

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Luk 16:22

Ena an den boghosek a verwis hag a veu degys dhe-ves gans an eledh bys yn askra Abraham. An den rych ynwedh a verwis hag a veu ynkleudhys;

Luk 2:29

‘Lemmyn, ty a as dha was dhe omdenna, A Arloedh, herwydh dha er yn kres;

Luk 7:50

Hag ev a leveris dhe'n venyn, ‘Dha fydh re'th sawyas; ke yn kres.’

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

2 Korinthianys 5:8

Fydhyans a'gan beus, ytho, ha gwell via genen mos a'n korf, ha dos dhe-dre dhe'n Arloedh.

Filippianys 1:23

Yth esov vy yn kaletter ynter an dhew, ow pos hwansek dhe vos dhe-ves ha bos gans Krist, rag henn yw meur gwell;

Diskwedhyans 14:13

Ha my a glewas lev dhiworth nev ow leverel, ‘Skrif: Gwynnvys an re varow a verow y'n Arloedh alemma rag.’ ‘Ya’, yn-medh an Spyrys, ‘may hallons i powes a'ga lavur, rag yma aga oberow orth aga siwya.’