Ysay 57:18 - An Bibel Kernewek 20234 (Kernewek Kemmyn)

¹⁸ My re welas y fordhow, mes my a'n yaghha; my a'n hembronk hag attyli konfort dhodho,

Ysay 57:18 ပူးပေါင်းရင်းမြစ်များ

Salmow 23:2

Ev a wra dhymm growedha yn peurvaow gwyrdh; ev a'm hembronk ryb an dowrow kosel.

Salmow 51:12

Daskorr dhymm lowena dha selwyans ha menten vy gans dha Spyrys hel.

Salmow 94:19

Yn prederow pals a-bervedh ynnov, dha hebaska a lowenha ow enev.

Ekklesiastes 9:4

Mes piwpynag a vo yn mysk an re vew a'n jeves govenek; gwell yw ki bew es lew marow.

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 19:22

An Arloedh a wysk Ejyp gans pla, ow kweskel hag ow sawya. I a dreyl dhe'n Arloedh hag ev a woslow orth aga fysadow, ha'ga sawya.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 52:12

Rag ny wrewgh dos yn-mes yn fysk ha ny wrewgh mos yn fo, rag an Arloedh a a-ragowgh, ha Duw Ysrael a vydh agas gwithyas-delergh.

Ysay 53:5

Mes rag agan kammweythresow y feu ev goliys, brewys rag agan peghosow; ev a borthas an geredh a dhre dhyn kres, ha gans y strokosow sawys on.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Yeremia 13:17

Mes mar ny vynnowgh y glewes, ow enev a wra oela yn tylleryow kevrinek drefenn agas balghder; ha'm lagas a wra oela yn hwerow, ha resek gans dagrow, drefenn flokk an Arloedh dhe vos kemmerys avel kethyon.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Yeremia 31:3

an Arloedh a omdhiskwedhas dhodho a-bell: My re'th karas gans kerensa heb diwedh; ytho gans tregeredh my re'th tennas.

Yeremia 33:6

Otta, my a dhre dhedha sawment ha yaghheans; my a's saw ha diskwedhes dhedha palster a gres ha gwiryonedh.

Zekaria 1:13

An Arloedh a worthybis an el a gewsis orthiv gans geryow a guvder ha konfort.

Luk 15:20

Ytho ev a sevis yn-bann ha mos dh'y das. Hag ev hwath y'n pellder, y das a'n gwelas, ha piteth a'n jeva, hag ev a boenyas hag a goedhas war y gonna hag amma dhodho.

Romanyon 5:20

Mes an lagha a dheuth, rag palshe an kammweythres; mes y'n tyller may palshi pegh, gras a balshi dhe voy,

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’