Ysay 57:16 - An Bibel Kernewek 20234 (Kernewek Kemmyn)

¹⁶ Rag ny wrav vy kuhudha bys vykken, na vos serrys bynitha, rag ena spyrys den a wannsa a-ragov, ha'n anall a wrug vy.

Ysay 57:16 ပူးပေါင်းရင်းမြစ်များ

Jenesis 6:3

Hag yn-medh an Arloedh, ‘Ny drig ow spyrys vy pup-prys gans mab-den, rag kig yw ev, ha'y dhydhyow a vydh hwegh-ugens blydhen.’

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

Job 12:10

Yma yn y leuv bewnans pup-tra a vew hag anall densys oll.

Salmow 85:5

A vydh sorr dhis orthyn bynitha? A ystynnydh dha sorr a unn henedh dhe'n nessa?

Ekklesiastes 12:7

ha'n doust a dhehwel dhe'n dor kepar dell o, ha'n spyrys a dhehwel dhe Dhuw neb a'n ros.

Ysay 27:8

Orth aga fellhe, orth aga divroa ty a strivyas gansa; gans y hwyth fers ev a's removas yn dydh gwyns an Est.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 42:5

Yndellma y lever Duw, an Arloedh, neb a wrug an nevow ha'ga ystynn, neb a lesas an norvys ha'n pyth a dheu anodho, neb a re anall dhe'n bobel usi warnodho, ha spyrys dhe'n re a gerdh ynno:

Ysay 64:8

Ha lemmyn, Arloedh, ty yw agan Tas. Ni yw an pri, ha ty yw agan priweythor; ni oll yw ober dha leuv.

Yeremia 10:24

A Arloedh, gwra ow heredhi, mes gans breus; Na'n gwra yn dha sorr, ma na'm drylli dhe dravyth.

Yeremia 3:5

A vydh ev serrys bys vykken? A wra ev gwitha y sorrvann dhe'n diwedh?’ Yndella ty re gewsis; mes ty re wrug oll an drogedh a yllsys.

Yeremia 38:16

Ytho Sedekia an myghtern a dos yn-dann gel dhe Yeremia, ‘Dell vew an Arloedh, a ros dhyn agan bewnans, ny'th worrav dhe'n mernans, na ny'th rov yn leuv an wer ma a hwila dha vewnans.’

Ezekiel 18:4

Otta, oll an enevow yw dhymm; keffrys enev an tas hag enev an mab yw dhymm. An enev a begh a verow.

Amos 1:11

Yndellma y lever an Arloedh: Rag tri hammweythres a Edom, ha rag peswar, ny wrav vy hepkorr an kessydhyans; drefenn ev dhe helghi y vroder gans kledha, ha taga y druedh; ha'y sorr a skwardyas bynitha, hag ev a withas y gonnar bys vykken.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Zekaria 12:1

Begh ger an Arloedh a-dro dhe Ysrael. An Arloedh, neb a les an nevow, ha fondya an nor, ha formya spyrys mab-den a-ji dhodho, a lever:

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Ebrowyon 12:9

Pella, ni a'gan bo tasow war-lergh an kig dh'agan keredhi ha ni a wre vri anedha. A ny vydhyn hwath moy gostydh dhe Das an spyrysyon, ha bewa?