Ysay 57:13 - An Bibel Kernewek 20234 (Kernewek Kemmyn)

¹³ Pan griydh rag gweres, gwres dha guntellow a idolys dha sawya! An gwyns a's dheg i oll dhe-ves, hag anall a's hwyth dhe-ves. Mes neb a hwila skovva ynnov vy a bew an tir, hag erita ow menydh sans.

Ysay 57:13 ပူးပေါင်းရင်းမြစ်များ

2 Myghternedh 3:13

Elisha a leveris dhe vyghtern Ysrael, ‘Pyth eus yntredhon ni? Ke dhe brofoesi dha das ha dhe brofoesi dha vamm.’ Mes myghtern Ysrael a leveris dhodho, ‘Na, rag y feu an Arloedh neb a elwis an tri myghtern ma dh'aga delivra yn leuv Moab.’

Job 21:18

Peskweyth yth yns kepar ha kala' a-rag an gwyns, ha kepar ha kulyn degys dhe-ves gans an tewedh?

Salmow 1:4

Nyns yw yndellma an debeles, mes yth yns i avel kulyn a wra an gwyns y hwytha dhe-ves.

Salmow 118:8

Gwell yw hwilas skovva y'n Arloedh ages gorra fydhyans yn mab-den.

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Salmow 37:11

Mes an re hwar a erit an tir, hag i a gemmer plesour yn kres leun.

Salmow 37:22

Rag an re bennigys ganso a erit an tir, ha'n re milligys ganso a vydh treghys dhe-ves.

Salmow 37:29

An re wiryon a erit an ti, ha triga ynno bys vykken.

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Salmow 37:34

Trest y'n Arloedh, ha syns y fordh ev, hag ev a'th ughelha dhe erita an tir; pan vo an debeles treghys dhe-ves, ty a'n wel.

Salmow 37:9

Rag drogoberoryon a vydh treghys dhe-ves, mes an re a drest y'n Arloedh, i a erit an tir.

Salmow 58:9

Kyns agas kalteryow dhe synsi toemmder an spern, gwres ev aga hemmeres dhe-ves hwath yn few, dell ve gans korwyns.

Salmow 84:12

A Arloedh an luyow, gwynnvys an den a worr y fydhyans ynnos jy.

Lavarow Koth 28:25

An den kraf a dhifun strif, mes neb a drest y'n Arloedh a vydh golusegys.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 40:24

Skant nyns yns i plynsys, skant nyns yns i hesys, skant ny wra aga ben gwreydhya y'n dor, kyns ev dhe hwytha warnedha hag y hwedhrons, ha'n korwyns a's dre dhe-ves avel kulyn.

Ysay 41:16

Ty a wra aga noetha, ha'n gwyns a's deg dhe-ves, ha'n korwyns a wra aga skattra. Mes ty a lowenha y'n Arloedh, ha bostya y'n Sans a Ysrael.

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 49:8

Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 65:11

Mes hwi neb a forsak an Arloedh, hag ankevi ow menydh sans, ha pareusi moes rag Fortun ha lenwel bollow a win kemmyskys rag Tenkys;

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ysay 65:9

My a dhre has yn-mes a Yakob, hag yn-mes a Yuda nebonan dhe erita ow menydhyow, hag ow re dhewisys a's erit, ha'm servysi a drig ena.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Yeremia 2:28

Mes ple'ma dha dhuwow a wrussys dhe'th honan? Gas dhedha sevel, mar kyllons dha selwel yn termyn dha ahwer: rag war-lergh niver dha sitys yw dha dhuwow, A Yuda.

Yeremia 22:20

Yskynn bys yn Lebanon ha kri; ha drehav dha lev yn Bashan, kri a-dhiworth Abarim; rag oll dha garoryon yw distruys.

Yeremia 22:22

An gwyns a dheber oll dha vugeledh, ha dha garoryon a yn kethneth; ena ty a' fydh meth ha disenor drefenn dha dhrogedh.

Yeremia 30:14

Oll dha garoryon re'th ankovas; ny'th hwilons rag my re'th holyas gans goli eskar, gans keredh a dhen fell, drefenn bos meur dha anewnder, drefenn dha beghosow dhe ynkressya.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.

Hosea 13:3

Rakhenna i a vydh avel kommolenn-vyttin, hag avel an gluth a dremen a-varr, hag avel us yw hwythys a leur-drushya gans an awel, hag avel mog a fenester.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Zekaria 7:13

Pan elwis ev, ny woslowsons i. Ytho pan alwsons, ny woslewis vy, yn-medh Arloedh an luyow.

Breusysi 10:14

Kewgh ha kriewgh dhe'n duwow re dhewissowgh; gwrens i agas delivra yn termyn agas ahwer.’