Ysay 57:12 - An Bibel Kernewek 20234 (Kernewek Kemmyn)

¹² My a dhiskler dha ewnder ha'th oberow, ha ny vydhons dhe les dhis.

Ysay 57:12 ပူးပေါင်းရင်းမြစ်များ

Ysay 29:15

Go-i an re a gudh aga husul yn town dhiworth an Arloedh ha gul aga oberow y'n tewlder; yn-medhons, ‘Piw a'gan gwel? Piw a'gan aswonn?’

Ysay 44:9

Oll myns a wra imajys yw mann, ha'n taklow may lowenhons ynna yw diles. Aga dustunioryon yw heb gweles ha heb godhvos, ytho i a berth meth.

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Ysay 64:5

Ty a vet ganso ev neb a lowenha ha gul ewnder, neb a berth kov ahanas y'th fordhow. Otta, ty a sorras, ha ni a begha prest; mar siwyn dha fordhow, ni a vydh sawys.

Ysay 65:7

aga hammweythresow ha kammweythresow aga thasow war-barth, yn-medh an Arloedh. Rag i dhe leski offrynnow war an menydhyow, ha'm skornya war an bronnow, my a wra musura yn aga barrlenn an attal a'ga gweythresow kyns.

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Yeremia 10:11

Yndella hwi a lever dhedha: An duwow na wrug an nevow ha'n nor, i a dhe goll a-dhiworth an nor hag a-dhann an nevow ma.

Yeremia 10:14

Pubonan yw gokki ha heb skians: pub teudher a gemmer meth a'y imaj gravys; rag y imaj teudhys yw fals, ha nyns eus anall ynna.

Yeremia 10:15

Euver yns, pythow skornys: yn termyn aga hessydhyans i a dhe goll.

Yeremia 51:18

Euver yns, ober rag ges; yn termyn aga hessydhyans i a dhe goll.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 23:5

Oll aga oberow i a wra rag bos gwelys gans tus; rag i a ledanha aga fylakteriow ha hirhe pilennow aga gwisk.