Ysay 56:6 - An Bibel Kernewek 20234 (Kernewek Kemmyn)

⁶ Ha mebyon an estren a jun dhe'n Arloedh dh'y servya, ha dhe gara hanow an Arloedh dhe vos servysi dhodho, pubonan a with an sabot heb y dhisakra ha synsi fast ow kevambos –

Ysay 56:6 ပူးပေါင်းရင်းမြစ်များ

1 Myghternedh 8:41

‘Keffrys, pan dheu estren, nag usi a'th pobel Ysrael, a dir pell drefenn dha hanow

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 44:5

Hemma a lever, ‘Dhe'n Arloedh yth ov’, y gila a vydh gelwys gans hanow Yakob, hag onan arall a vynn skrifa war y leuv, ‘Dhe'n Arloedh’ ha kemmeres an hanow a enor ‘Ysrael’.

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Ysay 60:10

Mebyon estren a dhrehav dha fosow, ha'ga myghternedh a'th serv; rag y'm sorr my a'th weskis, mes y'm favour my re gemmeras truedh ahanas.

Ysay 61:5

Estrenyon a sev ha bugelya agas deves, ha mebyon estren a vydh agas tiogyon ha gonedhysi agas gwinlannow.

Ysay 61:6

Hwi a vydh gelwys oferysi an Arloedh, ha hwi a vydh henwys menystrys agan Duw. Hwi a dheber rychys an kenedhlow, ha bostya yn aga glori.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 47:22

Hwi a'n rann ow tewlel prenn avel eretons dhywgh ha rag an alyons yw trigys yntredhowgh ha dhedha fleghes dineythys yn agas mysk. I a vydh ragowgh avel Ysraelysi teythyek; i a's tevydh eretons yn mysk loethow Ysrael.

Zekaria 6:15

An re neb yw pell a dheu hag i a dhrehav tempel an Arloedh, ha hwi a woer Arloedh an luyow ow dannvon dhywgh. Homma a hwyrvydh mar koslewowgh yn tiwysyk orth an Arloedh agas Duw.

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

Oberow 2:41

Ytho, an re a wolkommas y er a veu besydhys, hag y'n jydh na y feu keworrys a-dro dhe dri mil a enevow;

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

1 Korinthianys 16:22

Neb na gar an Arloedh, bedhes milliges. Re dheffo agan Arloedh!

2 Korinthianys 8:5

ha nyns o hemma dell waytsen, mes yn kynsa yth omrosons dhe'n Arloedh, hag ena dhyn ni, dre vodh Duw.

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Efesianys 6:24

Re bo gras gans pubonan a gar agan Arloedh Yesu Krist gans kerensa anvarwel.

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,