Ysay 56:5 - An Bibel Kernewek 20234 (Kernewek Kemmyn)

⁵ my a re dhedha y'm chi hag y'm fosow men-kov ha hanow gwell ages mebyon ha myrghes; my a re dhodho hanow a dhur bys vykken na vydh dileys.

Ysay 56:5 ပူးပေါင်းရင်းမြစ်များ

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 43:7

pub huni neb yw henwys orth ow hanow, neb re wrugavy rag ow glori, neb a formis vy ha kreatya.’

Ysay 48:19

dha has a via avel an tewes, hag agh dha dorr avel y dewesennow, nevra ny via aga hanow treghys glan, na distruys a-ragov vy.

Ysay 55:13

Yn le an spern y hwra tevi merywenn, yn le an linas y hwra tevi akasia; ha henna a vydh kov dhe'n Arloedh, avel tokyn heb fin, na vydh treghys dhe-ves.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ysay 62:12

I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Ysay 62:2

An kenedhlow a wel dha ewnder, hag oll myghternedh dha glori, Ty a vydh gelwys gans hanow nowydh a wra ganow an Arloedh y fastya.

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Ysay 66:22

Rag kepar dell vydh an nevow nowydh ha'n norvys nowydh, a wrav aga kreatya, ow sevel a-ragov, yn-medh an Arloedh, yndellma y sev agas has ha'gas hanow.

Sefania 3:20

Y'n termyn na my a'gas dre, y'n termyn may hwrav a'gas kuntell: rag my a wra hanow ragowgh ha gormola yn mysk oll poblow an norvys, pan dreylyav agas kethneth a-dherag agas dewlagas, yn-medh an Arloedh.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Yowann 1:12

Mes kemmys a'n degemmeras, dhedha y ros ev galloes dhe vos fleghes Duw, dhe'n re a grys yn y hanow ev,

Efesianys 2:22

ynno ev hwi ynwedh yw drehevys war-barth dhe vos trigva Duw y'n Spyrys.

1 Timothi 3:15

Mes mar strechyav, ty a wra godhvos fatell yw res omdhegi yn mayni Duw, yw eglos an Duw bew, an pilar ha'n grond a wiryonedh.

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.

Diskwedhyans 3:12

Neb a fettho, my a'n gwra koloven yn tempel ow Duw, ha ny wra ev mos yn-mes anodho namoy, ha hanow ow Duw a skrifav warnodho, ha hanow sita ow Duw, Yerusalem nowydh, ow tiyskynna yn-mes a'n nev dhiworth ow Duw, ha'm hanow nowydh ynwedh.

Diskwedhyans 3:5

Neb a fettho a vydh gwiskys yndella yn dillas gwynn, ha ny wrav defendya y hanow yn-mes a'n lyver a vewnans, mes yth aswonnav y hanow a-dherag ow Thas hag a-dherag y eledh.

1 Samuel 1:8

Hy gour Elkana a leveris dhedhi, ‘Prag yth oelydh? Ha prag na dhybrydh? Ha prag yth yw dha golonn trist? A nyns ov vy moy dhis ages deg mab?’