Ysay 56:3 - An Bibel Kernewek 20234 (Kernewek Kemmyn)

³ Na leveres mab an estren neb re junys y honan dhe'n Arloedh, ‘An Arloedh a'm diberth yn sur dhiworth y bobel’; ha na leveres spadhesik, ‘Otta, gwydhenn sygh ov vy.’

Ysay 56:3 ပူးပေါင်းရင်းမြစ်များ

2 Kroniklys 6:32

‘Ynwedh pan dheu estrenyon nag eus a'th pobel Ysrael, dhiworth pow pell, drefenn dha hanow a vri ha'th leuv grev, ha'th vregh ystynnys, hag i a dheu ha pysi war-tu ha'n chi ma,

Ester 9:27

an Yedhewon a jarjyas hag omgemmeres a-barth dhedha i aga honan, hag a-barth aga has, hag oll an re a ve junys orta, i dhe woelya heb fyllel an dhew dhydh ma herwydh an skrif anedha, ha herwydh an eur ordenys ragdha, pub blydhen,

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 39:7

Hag i a gemmer re a'th vebyon, dha askorr hag a vydh genys dhis, hag i a vydh spadhesigyon yn palys myghtern Babylon.’

Ysay 56:5

my a re dhedha y'm chi hag y'm fosow men-kov ha hanow gwell ages mebyon ha myrghes; my a re dhodho hanow a dhur bys vykken na vydh dileys.

Ysay 56:6

Ha mebyon an estren a jun dhe'n Arloedh dh'y servya, ha dhe gara hanow an Arloedh dhe vos servysi dhodho, pubonan a with an sabot heb y dhisakra ha synsi fast ow kevambos –

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Levitikus 21:20

po bothek, po korr, po gans gwynnenn yn y lagas, po gans bryghi podredhek, po gans troskennow, po brewys y dhiwgell.

Levitikus 25:45

Hwi a bren ynwedh fleghes an wodrigoryon trigys genowgh. Hwi a bren a'n re ma hag a'ga theyluyow usi genowgh, neb a veu genys yn agas tir. I a vydh agas perghennogeth.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Niverow 18:4

I a wra junya genes, hag attendya tylda an kuntelles, rag servis oll an tylda; ha ny wra dos ogas dhywgh estren.

Niverow 18:7

Ha ty ha'th vebyon genes a wra attendya agas oferyaseth rag pup-tra ow tochya an alter hag a-ji dhe'n groglenn; ha hwi a wra servya. My a re agas oferyaseth yn ro; ha'n estren a dheu ogas a vydh gorrys dhe'n mernans.

Oberow 10:34

Ha Peder a igoras y anow ha leverel, ‘Yn hwir, my a gonvedh na syns Duw denvyth a-ugh y gila,

Oberow 17:4

Ha re anedha a veu treylys, hag i a junyas gans Powl ha Silas, keffrys ha routh vras a'n Grekys kryjyk ha meur a venynes a roweth.

Oberow 18:7

Hag ev a omdennas alena ha mos dhe ji gour henwys Titius Yustus, gordhyer Duw, mayth esa y ji ryb tenewen an synaga.

Romanyon 15:16

rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.

1 Korinthianys 6:17

Mes neb yw kesunys dhe'n Arloedh a dheu ha bos ganso unn spyrys.

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.

Efesianys 2:22

ynno ev hwi ynwedh yw drehevys war-barth dhe vos trigva Duw y'n Spyrys.

Dewteronomi 23:9

Pan edh yn-mes dhe gampya erbynn dha eskerens, omwith rag pup-tra drog.

1 Peder 1:1

Peder, abostol Yesu Krist dhe'n bobel dhewisys, godrigoryon skattrys yn Pontus, Galatia, Kappadokia, Asia, ha Bithynia,