Ysay 56:2 - An Bibel Kernewek 20234 (Kernewek Kemmyn)

² Gwynnvys an gour a wra hemma, ha mab an den a gyv dalghenn ynno, neb a with an sabot heb y dhisakra, ha neb a with y leuv dhiworth gul oll drog.

Ysay 56:2 ပူးပေါင်းရင်းမြစ်များ

Nehemia 13:17

Ytho my a geredhis ugheloryon Yuda ha leverel dhedha, ‘Pyth yw an droktra ma esowgh hwi ow kul, ow tisakra dydh sabot?

Salmow 106:3

Gwynnvys an re a syns gwirvreus, hag a wra ewnder pup-prys.

Salmow 112:1

Gormelewgh an Arloedh. Gwynnvys an gour a berth own a'n Arloedh, a lowenha yn feur yn y worhemmynnow.

Salmow 119:101

My re withas ow threys rag pub drog hyns, rag may synsiv dha er.

Salmow 128:1

Gwynn y vys seul a berth own a'n Arloedh, seul a gerdh yn y fordhow.

Salmow 34:14

Treyl dhiworth drog, ha gwra da; hwila kres, ha'y helghya.

Salmow 37:27

Treyl dhiworth drog ha gwra da; ha trig y'n tir bys vykken.

Eksodus 20:10

mes an seythves dydh yw sabot dhe'n Arloedh dha Dhuw; ynno ny wredh ober vyth, ty, na dha vab, na dha vyrgh, dha was, na dha vaghteth, na dha jatel, na'n alyon usi a-ji dhe'th yetow;

Eksodus 20:8

Porth kov a dhydh an sabot, dh'y witha sans.

Lavarow Koth 14:16

Den fur yw war hag a dreyl dhiworth droktra, mes an den foll a sorr heb fronn hag yth yw dibreder.

Lavarow Koth 16:17

Fordh-veur an dus ewnhynsek a dreyl dhiworth drog; neb a woel war y fordh a with y enev.

Lavarow Koth 16:6

Dre dregeredh ha lenduri yw kammweyth dasprenys, ha der own an Arloedh den a omwith rag drog.

Lavarow Koth 4:13

Syns fast dyskans, na as ev dhe vos dhe wari; gwith e, rag ev yw dha vewnans.

Lavarow Koth 4:27

Na dreyl, naneyl dhe'n dyghow na dhe'n kledh; treyl dha droes dhe-ves a dhrog.

Ekklesiastes 7:18

Da yw ty dhe settya dalghenn y'n eyl gwarnyans, ha na wra gasa dha dhalghenn yn y gila; rag neb a berth own a Dhuw a dhienk dhiworth oll an taklow ma.

Ysay 56:4

Rag yndellma y lever an Arloedh: Dhe'n spadhesigyon hag a with ow sabotys, ha dewis an pyth yw plegadow dhymm, ha synsi fast ow hevambos,

Ysay 56:6

Ha mebyon an estren a jun dhe'n Arloedh dh'y servya, ha dhe gara hanow an Arloedh dhe vos servysi dhodho, pubonan a with an sabot heb y dhisakra ha synsi fast ow kevambos –

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Ezekiel 20:12

Ynwedh my a ros dhedha ow sabotys, dhe vos tokyn yntra my hag i, rag mayth aswonnens my dhe vos an Arloedh, neb a's sansha.

Ezekiel 20:20

Sakrewgh ow sabotys rag may fons tokyn yntra my ha hwi, may hwodhvowgh my dhe vos an Arloedh agas Duw.

Levitikus 19:30

Hwi a syns ow sabotys, ha diskwedhes revrons dhe'm sentri. An Arloedh ov vy.

Luk 11:28

Mes ev a leveris, ‘Kyns, gwynnvys an re a glew ger Duw ha'y witha.’

Luk 12:43

Gwynnvys an kethwas na, neb a wra y vester y gavoes ow kul yndella pan dheu.

Yowann 13:17

Mar konvedhowgh an taklow ma, gwynn agas bys mara's gwrewgh.

Romanyon 12:9

Gwres kerensa bos gwiryon; kesewgh an drog, glenewgh orth an da;

Diskwedhyans 22:14

Gwynn aga bys neb a wolgh aga dillas may fo dhedha gwir dhe'n wydhenn a vewnans, ha mayth ellens a-ji dhe'n sita der an yetys.