Ysay 56:12 - An Bibel Kernewek 20234 (Kernewek Kemmyn)

¹² ‘Dewgh’, yn-medhons, ‘gesewgh vy dhe gavoes gwin! Evyn agan gwalgh a gorev. An vorow a vydh avel hemma, po brassa hwath.’

Ysay 56:12 ပူးပေါင်းရင်းမြစ်များ

Job 24:23

Ev a re dhedha diogeledh, ha skoedhys yns; mes yma y dhewlagas war aga fordhow.

Salmow 10:6

Ev re leveris yn y golonn, ‘Ny drebuchyav; a unn henedh dhe'n nessa ny vydhav yn anken.’

Lavarow Koth 20:1

Gwin yw skornyer ha korev a wra tervans, ha nyns yw fur neb yw kammledys gansa.

Lavarow Koth 23:35

Ty a lever, ‘I a'm gweskis, mes ny berthis vy payn. I a'm kronkyas, mes ny'n godhvev. P'eur tifunav? My a hwila diwes moy.’

Lavarow Koth 27:1

Na vost a-dro dhe a-vorow, rag ny wodhes pandr'a dhre unn jydh.

Ekklesiastes 2:24

Nyns eus travyth gwell rag den ages dybri hag eva, ha bos lowen yn y lavur. Ynwedh my re welas hemma dhe dhos dhiworth leuv Duw.

Ysay 5:11

Go-i a dhifun myttin a-varr dhe helghya korev, ha tarya bys nos, ynflammys gans gwin.

Ysay 5:12

Yma sowtri ha telynn, tabourik ha pibow, ha gwin yn aga gwledhow, mes ny virons orth gweyth an Arloedh, na gweles ober y dhiwla.

Ysay 5:22

Go-i neb yw galloesek dhe eva gwin, ha kampyoryon dhe gemmyska korev,

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Hosea 4:11

Fornikasyon ha gwin ha gwin nowydh a gemmer dhe-ves an golonn.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

1 Korinthianys 15:32

Mar omledhis vy orth goedhviles yn Efesus rag skilys nag o saw a dhensys, py les yw dhymm? Mar nyns yw drehevys an re varow, ‘Gwren dybri hag eva, rag a-vorow y ferwyn.’

Titus 1:7

Rag y koedh dhe'n epskop bos divlam, avel rennyas Duw, heb gorthter, na sorr skav, nag yw omres dhe win, nag yw striver na kraf,