Ysay 56:10 - An Bibel Kernewek 20234 (Kernewek Kemmyn)

¹⁰ Y woelyadoryon yw dall, i oll yw heb godhvos; i oll yw keun avlavar na yllons hartha, owth hunrosa, ow krowedha, ow kara koska.

Ysay 56:10 ပူးပေါင်းရင်းမြစ်များ

2 Myghternedh 12:6

Mes erbynn an tressa blydhen warn ugens a vyghtern Yoash, ny wrussa an oferysi ewnheansow dhe'n chi.

Ysay 29:10

An Arloedh re dhinewis warnowgh spyrys a hun down: Ev re dhegeas agas dhewlagas, hwi brofoesi; ha kudha agas pennow, hwi welesydhyon.

Ysay 29:9

Bedhewgh dyegrys ha penndegys, omdhallhewgh ha bedhewgh dall; bedhewgh medhow, mes a-der gans gwin, trebuchyewgh, mes a-der gans korev.

Ysay 52:8

Lev dha withysi: i a dhrehav aga lev; war-barth i a gan gans joy, rag i a wel lagas dhe lagas dehwelyans an Arloedh dhe Sion.

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Kynvannow 4:14

I a wandras dall y'n stretys, mostys vons gans goes bys ma na allas denvyth tochya aga dillas.

Ezekiel 13:16

profoesi Ysrael a brofoesas a-dro dhe Yerusalem hag a welas gwelesigeth a gres rygdhi, pan nag eus kres, yn-medh an Arloedh Duw.

Ezekiel 33:6

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Nahum 3:18

Dha vugeledh a gosk, A vyghtern Assyria, hunya a wra dha dus vryntin; skoellys yw dha bobel war an menydhyow, ha nyns eus nagonan dh'aga huntell.

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Filippianys 3:2

Bedhewgh war a'n keun, bedhewgh war a'n dhrogoberoryon, bedhewgh war a'n fals tregh,