Ysay 55:8 - An Bibel Kernewek 20234 (Kernewek Kemmyn)

⁸ Rag nyns yw ow frederow vy dha brederow jy, na nyns yw dha fordhow jy, ow fordhow vy, yn-medh an Arloedh.

Ysay 55:8 ပူးပေါင်းရင်းမြစ်များ

2 Samuel 7:19

Hwath tra vyghan o y'th wolok, A Arloedh Duw; ty re gewsis ynwedh a ji dha was rag termyn hir dhe dhos. Yw hemma dha fordh usadow a dhyghtya mab-den, A Arloedh Duw?

2 Myghternedh 5:11

Mes Naaman o serrys hag eth dhe-ves ha leverel, ‘My a grysi y teffa ev dhymm yn sur, ha sevel, ha gelwel war anow an ARLOEDH, ha gweskel y dhorn a-ugh an tyller ha yaghhe an lovryjyon.

Job 35:5

Mir war-vann orth an nevow ha gwel; aspi orth an kommol yw ughella agesos.

Salmow 25:10

Oll hynsyow an Arloedh yw tregeredh ha gwirder, dhe'n re a with y gevambos ha'y dhustuniow.

Salmow 33:11

Kusul an Arloedh a sev bynitha, prederow y golonn a unn henedh dhe'n nessa.

Salmow 40:5

Meur yw niver dha varthusyon a wrussys, A Arloedh ow Duw, ha'th towlow ragon; nyns eus par dhiso jy. Mara's menekken vy, ha kewsel anedha, y fiens i moy es dell yllir aga nivera.

Salmow 92:5

A Arloedh, ass yw meur dha oberow! Pur dhown yw dha brederow.

Lavarow Koth 21:8

Fordh an gour kablus yw kamm, mes ober an den pur yw ewn.

Lavarow Koth 25:3

Avel an ebron yn ughelder, avel an nor yn downder, yndella dres hwithra yw kolonn myghternedh.

Ysay 14:24

Arloedh an luyow re dos, ow leverel: Kepar dell vynnis vy, yndella y hwer; ha kepar dell erviris, yndella y sev:

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Ysay 65:2

My re lesas ow diwla oll an jydh dhe bobel benn-kales usi ow kerdhes y'n fordh nag yw da, ow siwya aga thybyansow aga honan;

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Yeremia 3:1

Mar korr gour y wreg a-denewen, ha hi a'n gas, ha dos ha bos dhe gen gour, a wra ev dehweles dhedhi? A ny via an tir na defolys meur? Mes ty re horyas gans lies karer; hwath y fynnydh dehweles dhymm? yn-medh an Arloedh.

Ezekiel 18:29

Byttegyns chi Ysrael a lever, ‘Fordh an Arloedh yw anewn.’ Yw ow fordhow anewn, chi Ysrael? A nyns yw agas fordhow hwi anewn?

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Hosea 14:9

Piw yw skentel? Re gonvettho an taklow ma. Piw yw doeth? Re's godhvo. Fordhow an Arloedh yw ewn, an re wiryon a gerdh ynna, mes drogoberoryon a drebuch ynna.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’