Ysay 55:7 - An Bibel Kernewek 20234 (Kernewek Kemmyn)

⁷ Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 55:7 ပူးပေါင်းရင်းမြစ်များ

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 15:4

mes pan dreylsons yn aga ahwer dhe'n Arloedh, Duw Ysrael, ha'y hwilas, kevys veu gansa.

2 Kroniklys 30:6

Yndella poenyoryon eth der oll Ysrael ha Yuda gans lytherow dhiworth an myghtern ha'y soedhogyon war-lergh gorhemmynn an myghtern ow leverel, ‘A vebyon Ysrael, dehwelewgh dhe'n Arloedh, Duw Abraham, Ysak, hag Ysrael, rag may treyllyo arta dhe'n re ahanowgh a dhienkas dhiworth leuv myghternedh Assyria.

2 Kroniklys 33:13

Ev a bysis dhodho, ha Duw a gemmeras y bysadow hag a glewas y bledyans, hag a'n dros arta dhe Yerusalem ha'y dhaskorra dh'y ruvaneth. Ena Manasse a wodhya bos an Arloedh an gwir Dhuw.

2 Kroniklys 7:14

mar omuvelha ow fobel yw henwys gans ow hanow, ha pysi ha hwilas ow fas ha treylya dhiworth aga fordhow drog, ena my a glew a nev, ha my a av dhedha aga fegh ha yaghhe aga thir.

Job 22:23

Mar tehwelydh dhe'n Ollgalloesek ty a vydh restorys; mar kemmerydh kammhynseth dhiworth dha dylda,

Salmow 130:4

Mes yma gevyans genes jy, ytho ty yw ownys.

Salmow 130:7

Gwres Ysrael trestya y'n Arloedh, rag gans an Arloedh yma tregeredh, ha ganso yma daspren hel.

Salmow 51:1

Bydh grassyes orthiv, A Dhuw, herwydh dha dregeredh; herwydh dha druedh meur defend dhe-ves ow hammweythresow.

Salmow 66:18

Mar kwellen vy sherewneth y'm kolonn, ny'm klewsa an Arloedh.

Lavarow Koth 28:13

Ny sewen neb a gudh y gammweythresow, mes neb a's avow ha forsakya a'n jevydh mersi.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 21:12

An goelyador a lever, ‘Yma myttin ow tos, ha nos ynwedh. Mar kovynnowgh, govynnewgh; Dehwelewgh, dewgh.’

Ysay 31:6

Treylyewgh dhodho ev may hwrussons rebellyans down er y bynn, A vebyon Ysrael.

Ysay 32:7

Sherewynsi an sherewa yw drog; ev a dewl towlow dhe dhiswul an voghosogyon gans lavarow gowek, hwath pan vo klem an edhommek gwir.

Ysay 40:2

Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Ysay 54:8

Yn liv a gonnar my a gudhas ow fas dhiworthis pols, mes gans tregeredh heb diwedh my a gemmer truedh ahanas, yn-medh an Arloedh, dha Dhasprenyas.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Yeremia 3:14

Treylyewgh, hwi fleghes dislen, yn-medh an Arloedh, rag my re'gas demmedhis: my a'gas kemmer, onan a sita, ha dew a deylu, ha my a'gas dre dhe Sion:

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Kynvannow 3:40

Hwithryn ni orth agan fordhow ha'ga studhya, ha dehweles arta dhe'n Arloedh.

Ezekiel 14:6

Rakhenna lavar dhe ji Ysrael, Yndellma y lever an Arloedh Duw: Kemmerewgh edrega, ha treylyewgh dhiworth agas idolys; ha treylyewgh agas fas dhiworth oll agas taklow kasadow.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Zekaria 8:17

na brederewgh drog yn agas kolonn erbynn agas kentrevek, ha na gerewgh gowlia. My a gas oll an re na, yn-medh an Arloedh.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Mark 7:21

Rag a'n tu a-bervedh, yn-mes a golonn tus, y teu drokprederow: fornikasyon, ladrans, denladh:

Mark 7:23

oll an drogow ma a dheu a'n tu a-bervedh, hag a dhefol an den.’

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

Luk 15:24

rag ow mab ma o marow ha re vewas arta; kellys o, ha trovys yw.” Hag i a dhallathas goelya.

Luk 7:47

Rakhenna y lavarav dhis, yma gevys dhedhi hy feghosow pals, rag hi dhe gara meur; mes ev may ma boghes gevys dhodho, boghes ev a gar.’

Oberow 26:20

mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Jamys 1:15

Ena tebel-ewl, wosa omdhoen, a dhineyth peghadow, ha peghadow kowlwrys a dhineyth ankow.