Ysay 55:6 - An Bibel Kernewek 20234 (Kernewek Kemmyn)

⁶ Hwilewgh an Arloedh hedre vo dhe gavoes, gelwewgh warnodho hedre vo yn ogas;

Ysay 55:6 ပူးပေါင်းရင်းမြစ်များ

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

Ezra 10:2

Shekania mab Yehiel, a vebyon Elam, a worthybis ow leverel dhe Ezra, ‘Ni re beu dislel dh'agan Duw, ow kemmeres gwragedh estren a-dhiworth poblow an pow. Byttegyns lemmyn yma govenek yn Ysrael a-dro dhe'n mater ma.

Job 8:5

Mar mynnydh hwilas Duw ha pysi war an Ollgalloesek mersi,

Salmow 14:2

An Arloedh a viras war-woeles dhiworth nev war vebyon den, dhe weles mars esa neb den fur ow hwilas Duw.

Salmow 145:18

Yma an Arloedh ogas dhe bubonan a elow warnodho, dhe bubonan a elow warnodho yn gwiryonedh.

Salmow 148:14

Ev re dhrehevis korn rag y bobel, gormel rag oll y syns, rag mebyon Ysrael, pobel eus ogas dhodho. Gormelewgh an Arloedh.

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Salmow 32:6

Rakhenna y hwra pubonan yw glan pysi warnas jy, yn prys may hyllir dha gavoes, devri yn liv an dowrow meur, ny dhons ogas dhodho.

Salmow 34:19

Meur yw ankenyow an den gwiryon, mes an Arloedh a'n delirv dhiworta oll.

Salmow 75:1

Ni a woer gras dhis, A Dhuw, ni a woer gras; ogas yw dha hanow. Tus a dheriv dha varthusyon.

Salmow 95:7

Rag ev yw agan Duw, hag yth on ni pobel y beurva, ha deves y leuv. A mynnewgh hedhyw klewes y lev!

Lavarow Koth 8:17

My a gar an re a'm kar, ha'n re a'm hwila yn fen a'm kyv

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 26:9

Ow enev a yeun war dha lergh y'n nos; ow spyrys ynnov a'th hwila. Rag pan vydh dha vreusow y'n wlas, annedhysi an bys a dhysk ewnder.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 49:8

Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Ysay 58:9

Ena ty a elow, ha'n Arloedh a worthyp; ty a gri rag gweres hag ev a lever, Awotta vy. Mar kemmerydh dhe-ves an yew a dhiworthis, ystynnans an bys, ha kows spitus;

Ysay 65:10

Sharon a vydh peurva rag deves, ha nans Aghor powesva rag flokkys, rag ow fobel neb a'm hwila.

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Yeremia 25:5

I a leveris, ‘Treylyewgh lemmyn pubonan a'y fordh dhrog hag a dhrogedh agas gwriansow, ha trigewgh y'n tir a ros an Arloedh dhywgh ha dh'agas tasow bys vykken ha bynnari;

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Ezekiel 14:6

Rakhenna lavar dhe ji Ysrael, Yndellma y lever an Arloedh Duw: Kemmerewgh edrega, ha treylyewgh dhiworth agas idolys; ha treylyewgh agas fas dhiworth oll agas taklow kasadow.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ezekiel 8:6

Ena yn-medh ev dhymm, ‘Mab den, a welydh pandr'a wrons, an taklow vil bras usi chi Ysrael ow kul omma, dhe'm pellhe dhiworth ow sentri? Mes ty a wel taklow vil hwath brassa.’

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Hosea 10:12

Hesewgh dhywgh agas honan yn ewnder, mysewgh yn tregeredh, hag aras gwrewgh agas gweres anerys; prys yw dhe hwilas an Arloedh, bys may teffo ha gul dhe wiryonedh koedha warnowgh avel glaw.

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Yona 3:8

mes bedhes den ha best kudhys gans yskar, ha kriens yn ter war Dhuw; ha treylya peub dhiworth y fordh dhrog, ha dhiworth an garowder usi yn aga diwla.

Matthew 5:25

Bydh unnverhes gans dha eskar toeth da ha ty ow kerdhes war an fordh war-barth ganso, rag own dha eskar dhe'th taskorr dhe'n breusydh ha'n breusydh dha dhaskorr dhe'n gwithyas ha ty dhe vos tewlys yn prison.

Luk 13:25

Wosa mester an chi dhe sevel hag alhwedha an daras, ena hwi a sev an tu a-ves ow knoukya war an daras ow leverel, “Arloedh, igor dhyn”, hag ev a worthyp dhywgh ow leverel, “Ny'gas aswonnav, a-ble owgh.”

Yowann 8:21

Yesu a leveris dhedha arta, ‘My a dhe-ves, ha hwi a vydh orth ow hwilas, ha hwi a verow yn agas pegh. Ple'th av, ny yllowgh dos.’

Efesianys 3:13

Rag hemma, my a'gas pys na gemmerrowgh digolonn y'm galarow ragowgh hwi; agas glori yns i.

Dewteronomi 4:29

Mes mar hwilydh alena an Arloedh dha Dhuw, ty a'n kyv, mar mynnowgh y gavoes gans oll dha golonn hag oll dha enev.

Dewteronomi 4:7

Rag pana genedhel vras eus, neb a's teves Duw rybdhi, kepar ha'n Arloedh agan Duw, peskweyth may helwyn dhodho.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 3:13

Mes ynniewgh an eyl y gila pub dydh, hedre vo gelwys ‘Hedhyw’, ma na vowgh kaleshes dre doell peghosow.