Ysay 55:5 - An Bibel Kernewek 20234 (Kernewek Kemmyn)

⁵ Otta, ty a elow kenedhel na aswonnydh, ha kenedhel na aswonnydh a wra poenya dhis, drefenn an Arloedh dha Dhuw, ha'n Sans a Ysrael, rag ev re'th glorifias.

Ysay 55:5 ပူးပေါင်းရင်းမြစ်များ

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

2 Samuel 22:44

Ty a'm delirv dhiworth strifow ow fobel, ha'm settya avel penn an kenedhlow; pobel na aswonnis a wra ow servya.

Salmow 18:43

Ty re'm delivras dhiworth strifow an bobel, ha'm gorra yn penn an kenedhlow; pobel na aswonnis vy a wra ow servya.

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 45:22

Treylyewgh dhymm ha bedhewgh selwys, oll pennow a'n norvys; rag my yw Duw ha nyns eus ken.

Ysay 45:23

My re dos ren ow honan, dhiworth ow ganow gallas yn ewnder ger na dhehwel: ‘Dhymmo vy y hwra plegya pub glin, pub taves a wra ti.’

Ysay 49:12

Otta, an re ma a dheu a bellder, hag otta, an re ma a'n gledhbarth, hag a'n howlsedhes, ha'n re ma a bow Sinim.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 52:15

yndella marth a's tevydh lies kenedhel; myghternedh a dhege aga ganow a'y wovis, rag an pyth na via leverys dhedha, henna i a wel, ha'n pyth na glewsons, henna i a breder.

Ysay 55:4

Otta, my a'n gwrug dustunier dhe'n poblow, rewler ha mester dhe boblow.

Ysay 56:8

Yndellma y lever an Arloedh Duw, neb a guntell an re skattrys a Ysrael: My a guntell ynwedh erell dhedha, dres an re kuntellys dhedha seulabrys.

Ysay 60:5

Ena ty a wel ha splanna; dha golonn a gren gans joy hag efani, rag palster an mor a vydh dres dhis, ha rychys an kenedhlow a dheu dhis.

Ysay 60:9

Rag an ynysow a'm gorta, gorholyon Tarshish yw an kynsa, dhe dhri dha vebyon a bellder, ha'ga owr ha'ga arghans gansa, rag hanow an Arloedh dha Dhuw, ha rag Sans Ysrael, rag ev re'th glorifias.

Yeremia 30:19

Hag yn-mes anedha y teu grasyans ha lev an re a lowenha. My a's liesha, ha ny vydhons boghes; my a's enor, ha ny vydhons iselhes.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Luk 24:26

A nyns o res an Krist dhe wodhav an taklow ma hag entra yn y wolewder?’

Yowann 17:1

Wosa kewsel an taklow ma, Yesu a dhrehevis y dhewlagas dhe nev ha leverel, ‘Tas, re dheuth an eur; ro glori dhe'th Vab, rag may hwrello dha Vab ri glori dhiso jy,

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

Romanyon 15:20

yndella fest ow strivya pregoth an aweyl, y'n tylleryow ma na veu henwys Krist kyns, rag na dhreheffen war sel onan arall,

Efesianys 2:11

Rakhenna, perthewgh kov agas bos Jentilys kyns y'n kig, gelwys ‘an Antrodreghyans’ gans an re yw gelwys ‘an Trodreghyans’, gwrys y'n kig gans dorn,

Efesianys 3:5

na veu notys dhe vebyon den yn henedhow erell, kepar dell yw diskwedhys lemmyn dh'y abesteli sans, ha'y brofoesi y'n Spyrys,

Ebrowyon 5:5

Ytho ynwedh, ny wrug Krist omughelhe dhe vos gwrys arghoferyas, mes y feu res dhodho ganso ev neb a leveris dhodho, ‘Ty yw ow Mab, hedhyw my re'th tineythis’;

1 Peder 1:11

ow hwithra pyth po py termyn a dhiskwedhas Spyrys Krist ynna, pan ragdhustunias tormentys Krist ha'n splannder a wre y siwya.