Ysay 55:2 - An Bibel Kernewek 20234 (Kernewek Kemmyn)

² Prag y spenowgh arghans rag an pyth nag yw bara? ha'gas lavur rag an pyth na yll lenwel? Goslowewgh orthiv dour, ha dybrewgh an pyth yw da, ha'th enev a lowenha gans boes rych.

Ysay 55:2 ပူးပေါင်းရင်းမြစ်များ

Salmow 22:26

An dus truan a dheber hag a vydh lenwys; an re a hwila an Arloedh a'n gormel; re vewo agas kolonn bynnari.

Salmow 34:11

Dewgh, hwi fleghes, goslowewgh orthiv; my a dhysk dhywgh own an Arloedh.

Salmow 36:8

I a vydh lenwys a helder dha ji, ha ty a wra dhedha eva dhiworth avon dha blesours.

Salmow 63:5

Ow enev a vydh kontentys kepar dell ve gans mer ha blonek, ha'm ganow a'th wormel gans diwweus heudhik,

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

Lavarow Koth 1:33

mes neb a woslow orthiv a wra triga yn sawder, hag a vydh attes, heb euth a dhroktra.’

Lavarow Koth 7:23

bys pan wra seth gwana y avi; dell fysk edhen yn maglenn, ha ny woer ev kost hemma dhe vos y vewnans.

Lavarow Koth 8:32

‘Ha lemmyn, a vebyon, goslowewgh orthiv, gwynnvys an re hag a with ow fordhow.

Lavarow Koth 9:5

‘Dewgh, dybrewgh a'm bara hag evewgh a'n gwin re vyskis.

Ekklesiastes 6:2

Duw a re dhe wour rychys ha pythow hag enor ha ny fyll dh'y enev travyth yw hwansek dhodho, mes ny re Duw dhodho an galloes dhe dhybri a'n frut a'y lavur, mes estren a'n deber. Hemm yw euveredh ha kleves ankensi.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 10:27

Y'n jydh na y vegh a vydh drehevys a-dhiwar dha skoedh, ha'y yew a-dhiwar dha gonna. Ev res eth yn-bann dhiworth Rimmon,

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Ysay 46:6

An re a skoell owr yn hel dhiworth an pors, hag a boes arghans y'n mantolyow, i a arveth owrer neb a'n gwra duw; ena i a goedh dhe'n dor ha gordhya.

Ysay 51:1

Goslowewgh orthiv, hwi hag a jas war-lergh ewnder, hwi hag a hwila an Arloedh. Mirewgh orth an garrek may fewgh treghys dhiworti, hag orth an mengleudh may fewgh pelys dhiworto.

Ysay 51:4

Goslowewgh orthiv, ow fobel, hag attendyewgh orthiv, ow henedhel; rag lagha a yn-mes a-dhiworthiv, ha'm ewnder a vydh golow dhe'n kenedhlow.

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Ysay 62:8

An Arloedh re dos ren y vregh dhyghow ha re vregh y nerth: Ny rov dha reun arta avel boes rag dha eskerens, ha ny yv mebyon estren dha win nowydh a lavursys ragdho;

Ysay 62:9

mes an re a'n mys a'n deber, ha gormel an Arloedh; ha'n re a'n kuntell a'n yv yn klosyow ow sentri.

Ysay 65:23

Ny lavuryons yn euver, na dhineythi fleghes dhe euth; rag i a vydh has bennigys gans an Arloedh, ha'ga henedh gansa.

Yeremia 12:13

I re hasas gwaneth, ha mysi spern: skwithys yns, mes ny wrons kavoes prow. I a gemmer meth a'ga threvasow drefenn sorr fers an Arloedh.

Yeremia 17:24

Mes mar koslewowgh orthiv, yn-medh an Arloedh, ha mar ny dhegewgh begh dre yetow an sita yn dydh an sabot, mes sanshe dydh an sabot, heb gul ober vytholl ynno,

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 31:14

Ha my a lenow enev an oferysi gans blonek ha'm pobel a vydh gwalghys gans ow dader, yn-medh an Arloedh.

Hosea 12:1

Kowethya a wra Efraym gans an gwyns, ha helghya gwyns an howldrevel oll an jydh, ha kressya gowyow ha freudh. I a wra kevambos gans Assyria hag olew yw degys dhe Ejyp.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Habakkuk 2:13

A nyns yw dhiworth Arloedh an luyow may lavur an poblow rag tan ha mayth yw an kenedhlow skwithys rag travyth?

Matthew 15:9

hag yn euver i a'm gordh, ow tyski avel dyskas gorhemmynnow tus.” ’

Matthew 22:4

Arta ev a dhannvonas kethwesyon erell, ow leverel, “Derivewgh dhe'n dus a veu gelwys, Awotta, my re bareusis ow hevewi, ledhys yw ow oghen ha'm lodhnow peskys; pup-tra oll yw parys; dewgh dhe'n demmedhyans.”

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Mark 7:14

Ha wosa ev dhe elwel an routh dhodho arta, yn-medh ev dhedha, ‘Goslowewgh orthiv yn kettep penn, ha konvedhewgh.

Luk 15:23

Ha drewgh an leugh peskys ha'y ladha, ha gwren ni dybri ha bos lowen,

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Romanyon 10:17

Ytho fydh a dheuth a glewes, ha'n klewes dre eryow Krist.

Romanyon 9:31

mes Ysrael ow siwya lagha a ewnder ny dhrehedhas dhe'n lagha.

Dewteronomi 11:13

Mar koslewowgh devri ow gorhemmynnow esov ow korhemmynna dhywgh hedhyw, dhe gara an Arloedh agas Duw ha dh'y servya gans oll agas kolonn ha gans oll agas enev,

Ebrowyon 13:9

Na vedhewgh kemmerys a-denewen gans divers dhyskasow ankoth; rag da yw may fo krevhes an golonn dre ras, yn le dre boesow na veu dhe les dhe'n re a wra devnydh anedha.