Ysay 55:13 - An Bibel Kernewek 20234 (Kernewek Kemmyn)

¹³ Yn le an spern y hwra tevi merywenn, yn le an linas y hwra tevi akasia; ha henna a vydh kov dhe'n Arloedh, avel tokyn heb fin, na vydh treghys dhe-ves.

Ysay 55:13 ပူးပေါင်းရင်းမြစ်များ

Salmow 96:12

bedhes an gwel fest heudhik ha myns eus ynno. Ena y lowenha oll gwydh an koes

Ysay 19:20

Ev a vydh tokyn ha dustuni dhe Arloedh an luyow yn pow Ejyp. Pan grions dhe'n Arloedh drefenn an arwaskoryon, ev a dhannvon dhedha selwador, hag ev a's menten ha'ga delivra.

Ysay 32:13

rag dor ow fobel le may teu spedhas ha spern yn-bann, rag oll an chiow heudh y'n sita lowen.

Ysay 35:1

An gwylvos ha'n tir sygh a vydh heudh, ha'n difeythtir a lowenha ha bleujyowa; avel an safron pras

Ysay 35:2

ev a vleujyow, ha lowenha gans heudh ha kana. Glori Lebanon a vydh res dhodho, splannder Karmel ha Sharon; i a wel glori an Arloedh, splannder agan Duw.

Ysay 41:19

My a worr y'n difeythtir an kederwydh, an akasia, an myrtwydh ha'n olewbrenn. My a worr y'n difeythtir meryw, an platan ha'n kypres war-barth,

Ysay 43:21

an bobel a formis ragov ow honan, rag may teriffens ow gormola.

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Ysay 56:5

my a re dhedha y'm chi hag y'm fosow men-kov ha hanow gwell ages mebyon ha myrghes; my a re dhodho hanow a dhur bys vykken na vydh dileys.

Ysay 60:13

Glori Lebanon a dheu dhis, an meryw, an elow, ha'n kypres war-barth, dhe dekhe tyller ow sentri; ha my a lorifi tyller ow threys.

Ysay 60:17

Yn le brons my a dhre owr, hag yn le horn my a dhre arghans, brons yn le prenn, ha horn yn le meyn. My a sett kres avel dha sentri, hag ewnder avel dha rewloryon.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Ysay 63:14

avel best a dhiyskynn dhe'n nans, Spyrys an Arloedh a ros dhedha powes. Yndella ty a ledyas dha bobel, dhe wul dhis hanow gloryus.

Ysay 7:11

Ty govynn tokyn dhiworth an Arloedh dha Dhuw, bedhes po down avel ifarn, po y'n ughelder a-vann.

Ysay 7:19

hag i oll a dheu ha powes war an nansow klegerek ha war folsyow an karregi, war oll prysk an spern ha war bub dowrva.

Ysay 7:24

Gans sethow ha gans gwarak tus a dheu di, rag y fydh oll an tir spedhas ha spern.

Yeremia 13:11

Rag dell glen an grogys orth diwglun gour, yndella my re wrug oll chi Ysrael hag oll chi Yuda glena dhymm, yn-medh an Arloedh, may fons dhymm pobel, ha hanow, ha gormel, ha glori: mes ny glewsons.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Ezekiel 28:24

Ny'n jevydh chi Ysrael na fella spedhas dh'aga gwana na spern dh'aga fystiga yn mysk oll aga hentrevogyon, a wre aga despitya. Ena i a woer my dhe vos an Arloedh Duw.

Mika 7:4

An gwella anedha yw haval dhe spedhasenn, an moyha ewnhynsek haval dhe ge dren. Dydh dha woelyoryon ha'th kessydhyans yw devedhys: yma aga deray ow tegynsiwa.

Zekaria 1:8

Y'n nos my a viras, hag otta gour ow marghogeth war vargh rudh, ow sevel yn mysk an myrtwydh yn kownans, hag a-dryv dhodho mergh rudh, gorm ha gwynn.

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Yowann 15:8

Yn hemma glorifiys yw ow Thas, hwi dhe dhoen meur a frut ha dhe vos dyskyblon dhymm.

Romanyon 6:19

Avel den y kowsav, drefenn gwannder agas kig. Rag par dell resewgh agas eseli avel kethyon dhe avlander ha dhe anlaghedh bys yn anlaghedh hwath moy, yndella gwrewgh ri agas eseli avel kethyon dhe ewnder rag sansheans.

2 Korinthianys 5:17

Ytho, mars eus nebonan yn Krist, kreasyon nowydh yw; tremenys dhe-ves yw an traow koth: otta, deuvons ha bos nowydh.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.