Ysay 55:1 - An Bibel Kernewek 20234 (Kernewek Kemmyn)

¹ Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Ysay 55:1 ပူးပေါင်းရင်းမြစ်များ

Salmow 143:6

My a ystynn ow diwleuv dhiso; ow enev a yeun war dha lergh kepar ha tiredh sygh. Sela.

Salmow 63:1

A Dhuw, ty yw ow Duw, my a'th hwither dihwans. Yma syghes dhe'm enev war dha lergh, ow hig a'n jeves hireth ragos, yn tir kras ha sygh ma nag eus dowr.

Lavarow Koth 8:4

‘Dhywgh, A wer, yth esov ow kelwel, hag ow kri yw dhe vebyon den.

Lavarow Koth 9:1

Furneth re dhrehevis hy chi, hi re nadhas hy seyth koloven.

Lavarow Koth 9:5

‘Dewgh, dybrewgh a'm bara hag evewgh a'n gwin re vyskis.

An Gan a Ganow 1:2

Re ammo ev dhymm gans ammow y anow – rag gwell yw dha gerensa ages gwin.

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 52:3

Rag yndellma y lever an Arloedh: Hwi a veu gwerthys heb pemont, ha dasprenys vydhowgh heb arghans.

Kynvannow 5:4

Ni re evas agan dowr a bris arghans; agan keunys a dheu dre varghadoryon.

Ezekiel 47:1

Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.

Ezekiel 47:9

Plepynag yth a an avon, pub kreatur bew ow hesya a vew, hag y fydh puskes pur lies drefenn an dowrow a dheu di. Y fydhons yaghhes, ha pup-tra a vew plepynag a dheu an avon.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Zekaria 10:7

Efraym a vydh avel kasor galloesek, ha'ga holonn a vydh heudh avel gans gwin. Aga fleghes a'n gwel hag a vydh heudh; aga holonn a vydh lowen y'n Arloedh.

Zekaria 2:6

Yn-sol! Yn-sol! Fiewgh a dir an kledh, yn-medh an Arloedh, rag my re'gas lesas avel an peswar gwyns a nev, yn-medh an Arloedh.

Zekaria 9:15

hag Arloedh an luyow a vydh skoes warnedha. I a wra dybri, ha stankya yn-nans an veyn-dowlbrenn. I a wra eva ha garma kepar ha gans gwin, ha bos lenwys avel bolla-offrynn, avel kern an alter.

Matthew 10:8

Yaghhewgh an glevyon, drehevewgh an re varow, glanhewgh an glavorogyon, tewlewgh yn-mes an dhywolow; heb kost y tegemmersowgh, rewgh heb kost.

Matthew 13:44

‘Arta, haval yw gwlaskor nev dhe dresor kelys yn gwel, ha den pan y'n kavas, a'n kudhas, hag yn y lowender, yth eth dhe wertha oll y byth ha prena an gwel na.

Matthew 26:29

My a lever dhywgh, ny evav namoy alemma rag a'n frut ma a'n gwinbrenn bys y'n jydh na ma'n evav genowgh nowydh yn gwlaskor ow Thas.’

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Oberow 8:20

Mes yn-medh Peder dhodho, ‘Dhe goll re ylli ha genes dha arghans, drefenn ty dhe dybi y hyllydh kavoes ro Duw dre vona.

Romanyon 3:24

justifiys yns gans y ras yn ro, der an daspren usi yn Krist Yesu,

1 Korinthianys 3:2

Leth my a ros dhywgh; ny res vy boes, rag nag ewgh hwi parys ragdho. Yn hwir, hwath nyns owgh parys,

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Diskwedhyans 3:18

My a'th kusul a brena owr prevys y'n tan dhiworthiv may fi rych, ha dillas gwynn may fi gwiskys ha na omdhiskwettho an meth a'th noethedh, ha prena eli rag ura dha dhewlagas may hylli gweles.

Ruth 4:1

Boaz eth yn-bann dhe'n yet hag esedha ena, hag otta, yth esa an neskar ow tremena, may hwrussa Boaz kewsel anodho, hag yn-medh Boaz, ‘Deus omma hag esedh omma, ty gothman’, hag ev a dreylyas a-denewen hag esedha.