Ysay 54:9 - An Bibel Kernewek 20234 (Kernewek Kemmyn)

⁹ Hemm yw avel dydhyow Noy dhymmo vy, pan des vy byttydh na ella dowrow Noy war an norvys arta; yndella my re dos na borthav sorr orthis, ha na'th keredhav.

Ysay 54:9 ပူးပေါင်းရင်းမြစ်များ

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Job 11:16

Ty a ankev dha anken; ty a berth kov anodho kepar ha dowrow re dremenas.

Salmow 104:9

Ty re worras or na yllons treusi, na treylya arta dhe gudha an nor.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 49:18

Drehav dha dhewlagas a-derdro ha gwel; i oll a omguntell, i a dheu dhis. Dell vewav, yn-medh an Arloedh, ty a wra aga gwiska oll avel tegenn, hag avel benyn bries ty a's kelm warnas.

Ysay 51:22

Yndellma y lever dha Arloedh, an Arloedh, dha Dhuw neb a bled ken y bobel: Otta, my re gemmeras dhiworth dha dhorn an hanaf a vedhwenep. Ny evydh nevra na fella a volla ow honnar.

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Ysay 51:8

Rag an goedhan a wra aga dybri avel kweth, ha'n pryv a wra aga dybri avel gwlan; mes ow ewnder a vydh heb diwedh, ha'm selwyans a unn henedh dhe'n nessa.

Ysay 55:11

yndella y fydh ow ger hag a dheu dhiworth ow ganow; ny dhehwel dhymm gwag, mes ev a gowlwra ow bodh, hag a sewen y'n dra may hwrugavy y dhannvon ragdho.

Ysay 62:8

An Arloedh re dos ren y vregh dhyghow ha re vregh y nerth: Ny rov dha reun arta avel boes rag dha eskerens, ha ny yv mebyon estren dha win nowydh a lavursys ragdho;

Yeremia 31:37

Yndellma y lever an Arloedh: Mar kyll bos musurys an nevow a-ugh, ha hwithrys selveyn an nor dhe-woeles, ena my a dewl dhe-ves oll has Ysrael drefenn an pyth re wrussons, yn-medh an Arloedh.

Ezekiel 16:42

My a gyv powes a'm sorr warnas, ha'm avi a dreyl dhiworthis; my a vydh kosel, ha ny vydhav serrys arta.

Ezekiel 39:20

Ha hwi a vydh lenwys orth ow moes a vergh ha marghogyon, a wer grev ha kasoryon a bub eghenn, yn-medh an Arloedh.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.