Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ysay 54:17 - An Bibel Kernewek 20234 (Kernewek Kemmyn)

17 Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

အခန်းကိုကြည့်ပါ။ ကော်ပီ




Ysay 54:17
44 ပူးပေါင်းရင်းမြစ်များ  

Mes ystynn dha leuv lemmyn, ha tochya pup-tra oll a'n jeves, hag ev a wra dha villiga y'th fas.’


Mes ystynn dha leuv lemmyn, ha toch y askorn ha'y gig, hag ev a'th villik dhe'th fas.’


Wosa an Arloedh dhe leverel an taklow ma dhe Job ev a leveris dhe Elifaz an Temanyas: ‘Ow sorr re dhewis er dha bynn hag erbynn dha dhew goweth, drefenn na gewssowgh ahanav an pyth yw ewn, kepar dell wrug ow gwas Job.


Rakhenna y hwra pubonan yw glan pysi warnas jy, yn prys may hyllir dha gavoes, devri yn liv an dowrow meur, ny dhons ogas dhodho.


Rag ty, A Dhuw, re glewas ow ambosow; ty re ros dhymm ertach an re a berth own a'th hanow.


My a dheu yn nerth an Arloedh DUW; my a dhre dhe gov dha ewnder jy dha honan.


Ha'th ewnder, A Dhuw, a dhrehedh dhe'n ughelder, ty neb re wrug gwriansow meur; A Dhuw, piw yw avelos jy?


Ogh tru, an tervans a lies pobel, ow terva kepar ha tervans an moryow; ha tarennans poblow kepar ha tarennans dowrow krev!


Igerewgh an yetys rag mayth entro dredha an genedhel wiryon, a with lelder.


Kepar dell wra den nownek hunrosa a dhybri, ha difuna hwath gwag; po den ha syghes dhodho a hunros a eva, ha difuna klamderek, ha'y enev hwath ow polsa, yndella y fydh dhe routh oll an kenedhlow a omladh erbynn menydh Sion.


Leverewgh dhe'n den gwiryon, y fydh da ragdho, rag i a dheber frut aga gwriansow.


Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.


Otta, oll an re a serr orthis a's tevydh meth hag a vydh konfondys; an re a striv orthis a vydh avel mann, ha mos dhe goll.


My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.


Ogas yw ev neb a'm ewnha. Piw a vynn strivya genev? Sevyn ni war-barth. Piw yw ow huhudhor? Des e nes dhymm.


An Arloedh Duw yth yw neb a'm gweres; piw a lever ow bos kablus? I oll a vydh usys avel kweth, an goedhan a's deber.


Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.


Otta, mar kwra nebonan omsettyans, nyns yw dhiworthiv vy; keniver a omsett er dha bynn, koedha a wra a'th wovis.


Otta, my yw neb re wrug an gov neb a hwyth an glowbrennyer yn flammow, hag a furv arv wiw rag y borpos; my re greatyas ynwedh an ravner dhe dhistrui.


ena ty a vydh lowen y'n Arloedh ha my a'th wra dhe varghogeth war dylleryow ughel an tir ha'th vaga gans eretons Yakob dha das, rag ganow an Arloedh re gewsis.


Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.


My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.


Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.


[93] Ena Nebukadnessar a dheuth nes dhe daras an fornes a dan ow flammya, ha leverel: ‘A Shadrak, Meshak hag Abednego, hwi servysi a Dhuw Ughella, dewgh yn-mes, ha dewgh omma!’ Ena Shadrak, Meshak hag Abednego a dheuth yn-mes a gres an tan.


Pan dheuth nes dhe'n fow, ev a armas dhe Daniel gans lev troblys, ha leverel dhe Daniel, ‘A Daniel, gwas an Duw bew, a allas dha Dhuw, neb a servydh prest, dha dhelivra a'n lewyon?’


Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.


Rag Krist yw penn an lagha rag ewnder dhe beub a grys.


ewnder Duw dre fydh yn Yesu Krist rag oll hag a grys. Rag nyns eus dibarth;


Lemmyn nyns eus dampnya rag an re usi yn Krist Yesu.


Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.


A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.


ha may fiv kevys ynno, heb kavoes ow ewnder vy a dheu a'n lagha mes an ewnder a dheu dre fydh yn Krist, an ewnder a dheu a Dhuw, selys war fydh;


Mes ny vynnis goslowes orth Balaam; rakhenna ev a'gas bennigas; ytho my a'gas sawyas dhiworth y leuv.


Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:


Ha my a glewas lev ughel yn nev ow leverel, ‘Lemmyn selwyans, ha nerth, ha gwlaskor agan Duw yw devedhys, ha galloes y Grist: rag bos kuhudhor agan breder tewlys yn-nans, neb a's kuhudhas dydh ha nos a-dherag agan Duw.


Yn-medh ev dhodho, ‘Na borth own; rag ny wra leuv ow thas Sowl dha gavoes; ha ty a vydh myghtern war Ysrael, ha my a vydh nessa dhis; ow thas Sowl ynwedh a woer y fydh yndella.’


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ