Ysay 54:1 - An Bibel Kernewek 20234 (Kernewek Kemmyn)

¹ Kan yn lowen, A anvap na omdhuk; kri gans joy ha garm, ty neb na veu yn lavur! Rag mebyon an venyn anvap a vydh moy ages mebyon an venyn may ma dhedhi gour, yn-medh an Arloedh.

Ysay 54:1 ပူးပေါင်းရင်းမြစ်များ

Jenesis 21:6

Hag yn-medh Sara, ‘Duw re wrug dhymm hwerthin, ha peub a'm klew a hwerth genev vy.’

Salmow 113:9

Ev a wra dhe'n wreg anvap synsi chi, ha bos mamm lowen a fleghes. Gormelewgh an Arloedh.

An Gan a Ganow 8:8

Yma dhyn ni hwoer vyghan, ha nyns eus diwvronn dhedhi; pandr'a yllyn ni gul rag agan hwoer, y'n jydh may hwovynnir rygdhi?

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 24:14

I a dhrehav aga lev, ha garma gans lowena; i a gri dhiworth an howlsedhes a-dro dhe veuredh an Arloedh.

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 49:13

Kenewgh yn lowen, A nevow, ha kri gans joy, A norvys; kenewgh yn lowen, A venydhyow! Rag an Arloedh re gonfortyas y bobel, ha kemmeres truedh a'y voghosogyon.

Ysay 49:19

Rag dha vagoryow ha'th tylleryow gwag ha'th tir gwastys a vydh re vyghan lemmyn rag dha drigoryon, ha'n re a'th lonkas a vydh pell dhe-ves.

Ysay 49:20

An fleghes a veu genys dhis yn termyn dha anvabeth a lever hwath y'th tiwskovarn, ‘Re ynn yw an tyller ragov, gwra spas dhymm, rag mayth annetthiv!’

Ysay 62:4

Ny vydhydh gelwys Forsakys na fella, na ny vydh dha dir gelwys Difeythys byth moy; rag ty a vydh gelwys Ynni ow Delit, ha'th tiredh Demmedhys; rag an Arloedh a'n jeves delit ynnos, ha'th tiredh a vydh demmedhys.

Ysay 66:7

Kyns bos yn gloesow hi a dhineythis, kyns es dell dheuth payn warnedhi hi a dhineythis mab.

Sefania 3:14

Kan yn lowen, a vyrgh Sion; kri gans joy, a Ysrael; bydh lowen ha fest heudhik a leun golonn, a vyrgh Yerusalem.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Galatianys 4:27

Rag skrifys yw, ‘Lowenha, ty anvap, neb na dhineyth, tardh yn garmow a lowena, ty na lavur yn genesigeth, rag yma lies flogh dhe'n venyn forsakys, moy es hy ben neb a's teves gour.’

1 Samuel 2:5

An re leun re werthas aga lavur rag bara, mes an re nownek ny's teves nown namoy. An anvap re dhineythis seyth, mes hi neb a's teves lies flogh a wedher.