Ysay 53:8 - An Bibel Kernewek 20234 (Kernewek Kemmyn)

⁸ ev a veu ledys dhe-ves dre gonstrynans wosa drogvreus. Piw a wra vri a'y denkys? Rag treghys veu yn-mes a dir an re vew; rag kammweyth ow fobel y feu gweskys.

Ysay 53:8 ပူးပေါင်းရင်းမြစ်များ

Salmow 69:12

An re a esedh y'n porth a gews er ow fynn, ha'n bennow-medhow a gan ahanav yn ges.

Salmow 88:5

gesys yn mysk an re varow, kepar ha'n re ledhys neb a wrowedh y'n bedh, na berthydh kov anedha namoy, ha diberthys yns i dhiworth dha leuv.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Ysay 53:5

Mes rag agan kammweythresow y feu ev goliys, brewys rag agan peghosow; ev a borthas an geredh a dhre dhyn kres, ha gans y strokosow sawys on.

Yeremia 11:19

Mes my o haval dhe oen dov yw dres dhe'n ladhva; mes ny wodhyen y feu er ow fynn may tevissens towlow, ow leverel, ‘Gwren distrui an wydhenn gans hy frut, ha gwren y dreghi a-dhiworth tir an re vew, ma na vydh kovhes y hanow namoy.’

Kynvannow 3:54

Dowr a resas war ow fenn; ‘Gyllys dhe goll ov vy’, yn-medhav.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Matthew 1:1

Lyver linyeth Yesu Krist mab Davydh mab Abraham.

Yowann 19:7

An Yedhewon a worthybis dhodho, ‘Yma dhyn lagha, ha herwydh an lagha na y tal dhodho merwel, rag ev a omwrug Mab Duw.’

Oberow 8:33

Yn y sham gwirvreus a veu kemmerys dhiworto; piw a wra derivas y henedh? Rag y vewnans yw kemmerys dhe-ves dhiworth an norvys.’

Romanyon 1:4

hag a veu henwys Mab Duw yn nerth war-lergh Spyrys sansoleth dre dhasserghyans an re varow, Yesu Krist agan Arloedh;

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;