Ysay 53:6 - An Bibel Kernewek 20234 (Kernewek Kemmyn)

⁶ Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 53:6 ပူးပေါင်းရင်းမြစ်များ

Jenesis 22:6

Hag Abraham a gemmeras keunys an offrynn leskys ha'y worra war Ysak y vab; ha kemmeres an tan y'n y dhorn ha kollell hag i eth aga dew war-barth.

Salmow 119:176

My re wandras yn sowdhan avel davas yw kellys; hwila dha was, rag ny ankevis dha worhemmynnow.

Salmow 69:4

Moy es blewennow ow fenn yw an re a'm kas heb ken; lies yw an re a vynn ow distrui, ow fals eskerens. An pyth na wrug vy y ladra, a wrav vy y daskorr?

Ysay 40:2

Kewsewgh orth kolonn Yerusalem, ha gelwewgh dhedhi hy gonis dhe vos gorfennys, ha tylys kessydhyans hy hammweythres, rag hi re dhegemmeres a dhorn an Arloedh dewgemmys rag oll hy feghadow.

Ysay 53:10

Mes an Arloedh a vynnas y vrewi; ha gul dhodho godhevel; mar kwra dh'y enev bos offrynn kammweyth, ev a wel y has, ha gul dh'y dhydhyow bos hir, ha bodh an Arloedh a sewen yn y leuv.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Ysay 53:5

Mes rag agan kammweythresow y feu ev goliys, brewys rag agan peghosow; ev a borthas an geredh a dhre dhyn kres, ha gans y strokosow sawys on.

Ysay 53:7

Arweskys veu ha tebeldhyghtys, byttegyns ny igoras y anow;

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Ysay 55:8

Rag nyns yw ow frederow vy dha brederow jy, na nyns yw dha fordhow jy, ow fordhow vy, yn-medh an Arloedh.

Ysay 56:11

Keun krev aga ewl yns i, nevra ny gevons lowr. I yw bugeledh na wodhons konvedhes; i oll re dreylyas dh'aga fordh aga honan, pubonan dh'y brow y honan, onan hag oll.

Ysay 6:7

Ev a dochyas ow ganow, ha leverel, ‘Awotta, homma re dochyas dha dhiwweus ha treylys dhe-ves yw dha anewnder, ha gevys yw dha begh.’

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Yeremia 50:6

Ow fobel re beu deves kellys; aga bugeledh re's ledyas yn stray, orth aga threylya dhe-ves war an menydhyow; i res eth a'n menydh dhe'n vre, i re ankovas aga horlann.

Ezekiel 3:18

Pan lavarav dhe'n tebelwas, ‘Ty a verow yn tevri’, ha ny redh dhodho gwarnyans, na kewsel dhe warnya tebelwas dhe dreylya dhiworth y fordh dhrog may sawyo y vewnans, an tebelwas na a verow yn y anewnder, mes y woes y hwilav a'th leuv.

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Romanyon 4:25

neb a veu res dhe'n mernans drefenn agan drogoberow ha drehevys rag may fen ni kevys ewn.

Jamys 5:20

godhvydhes ev: neb a dreyl peghador a'y gammfordh a selow y enev a ankow, ha kudha peghosow pals.

1 Peder 2:25

Rag yth esewgh ow mos yn sowdhan kepar ha deves, mes lemmyn treylys owgh hwi dhe'n bugel ha'n epskop a'gas enev.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

Breusysi 21:25

Y'n dydhyow na, nyns esa myghtern yn Ysrael; oll an bobel a wre an pyth o ewn yn aga dewlagas aga honan.