Ysay 53:12 - An Bibel Kernewek 20234 (Kernewek Kemmyn)

¹² Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Ysay 53:12 ပူးပေါင်းရင်းမြစ်များ

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Job 30:16

‘Ha lemmyn ow enev a dhever dhe-ves; dydhyow a alar re'm synsis.

Salmow 2:8

Govynn orthiv, ha my a re dhis an kenedhlow y'th ertach, ha pennow pella an nor y'th perghennogeth.

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Eksodus 15:9

‘An eskar a leveris, “My a wra siwya, my a wra tremena, my a rann an preydh, ow hwans a vydh lenwys gansa. My a denn ow kledha, ow dorn a wra aga distrui.”

Ysay 49:4

Mes my a leveris, ‘Yn euver re lavuris, ha spena ow nerth rag travyth ha rag gwakter; byttegyns yma ow gwirvreus gans an Arloedh, ha'm pewas gans ow Duw.’

Ysay 52:13

Otta, ow gwas a wra seweni, ughelhes vydh ha drehevys yn-bann, hag ev a vydh fest ughel.

Ysay 52:15

yndella marth a's tevydh lies kenedhel; myghternedh a dhege aga ganow a'y wovis, rag an pyth na via leverys dhedha, henna i a wel, ha'n pyth na glewsons, henna i a breder.

Ysay 53:6

Ni oll avel deves re wandras; pubonan ahanan re dreylyas dh'agan fordh agan honan, ha'n Arloedh re worras warnodho an kammweyth ahanan ni oll.

Ysay 53:8

ev a veu ledys dhe-ves dre gonstrynans wosa drogvreus. Piw a wra vri a'y denkys? Rag treghys veu yn-mes a dir an re vew; rag kammweyth ow fobel y feu gweskys.

Daniel 2:45

Kepar dell welsys y feu treghys men a'n menydh, heb mayn leuv, hag y torras dhe demmyn an horn, an brons, an priweyth, an arghans ha'n owr: yndellma an Duw meur re dhiskwedhas dhe'n myghtern an pyth a hwyrvydh wosa hemma. Fastys yw an hunros, ha sur yw y styr.’

Matthew 26:42

Arta an nessa gweyth ev a omdennas ha pysi, ow leverel, ‘Ow Thas, mar ny yll hemma tremena heb my dh'y eva, dha vodh re bo gwrys.’

Mark 15:27

Ha ganso i a growsyas dew lader, an eyl a'n barth dhyghow dhodho, ha'y gila a'n barth kledh.

Mark 15:28

Ha'n skryptor a veu kollenwys a lever, ‘Hag ev a veu reknys yn mysk drogoberoryon.’

Luk 22:37

Rag my a lever dhywgh, res yw an skryptor ma dhe vos kollenwys ynnov vy, “Ev a veu reknys yn mysk drogoberoryon”; hag yn hwir an pyth yw skrifys ahanav a dheu dhe geweras.’

Luk 23:25

Ytho ev a dhelivras an den a vynnens, neb re bia tewlys yn prison drefenn rebellyans ha denladh, hag ev a ros Yesu dhedha dhe wul aga bodh.

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Romanyon 8:34

Piw a guhudh? Yesu Krist yw, neb a verwis, yn hwir, hag a veu drehevys a'n mernans, hag usi a'n dhyghowbarth dhe Dhuw, hag a bys ragon.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Kolossianys 2:15

ev a dhestryppyas an prynsipatys ha'n potestatys, ha'ga gul ensampel yn apert, orth aga hembronk yn keskerdh trygh dredhi hi.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

Ebrowyon 9:26

rag ena y tegoedhvia dhodho godhevel menowgh a-dhia wrians an bys. Mes lemmyn ev re omdhiskwedhas unnweyth, dhe dhiwedh an oesow, ha dilea peghosow der omsakrifia.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

1 Yowann 2:1

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.

1 Yowann 2:12

My a skrif dhywgh hwi, fleghigyow, drefenn bos gevys dhywgh agas peghosow a-barth y hanow ev.