Ysay 52:8 - An Bibel Kernewek 20234 (Kernewek Kemmyn)

⁸ Lev dha withysi: i a dhrehav aga lev; war-barth i a gan gans joy, rag i a wel lagas dhe lagas dehwelyans an Arloedh dhe Sion.

Ysay 52:8 ပူးပေါင်းရင်းမြစ်များ

Salmow 102:22

pan yw an poblow omguntellys war-barth, ha'n gwlaskordhow, dhe servya an Arloedh.

An Gan a Ganow 3:3

An woelysi a'm kavas, hag i ow mos a-dro y'n sita, ‘A welsowgh karadow ow enev?’

An Gan a Ganow 5:7

An woelyadoryon a'm kavas, hag i ow mos a-dro y'n sita; i a'm gweskis, i a'm golias, i a dennas ow mantell dhe-ves, goelyadoryon an fosow.

Ysay 24:14

I a dhrehav aga lev, ha garma gans lowena; i a gri dhiworth an howlsedhes a-dro dhe veuredh an Arloedh.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 27:2

Y'n jydh na: Gwinlann desiradow, kenewgh a-dro dhedhi.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 56:10

Y woelyadoryon yw dall, i oll yw heb godhvos; i oll yw keun avlavar na yllons hartha, owth hunrosa, ow krowedha, ow kara koska.

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Ysay 62:6

War dha fosow, A Yerusalem, my re settyas goelyadoryon; oll an jydh hag oll an nos nevra ny dewons. Hwi neb a with an Arloedh yn kov na vedhes taw dhywgh,

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 32:39

My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Yeremia 33:7

Ha my a dreyl kethneth Yuda ha kethneth Ysrael ha my a's dastrehav par dell ens wor'talleth.

Yeremia 6:17

Ha my a worras goelyadoryon warnowgh, ow leverel, ‘Goslowewgh orth son an hirgorn.’ Mes yn-medhons, ‘Ny vynnyn goslowes.’

Ezekiel 3:17

Mab den, my re'th wrug goelyador rag chi Ysrael; peskweyth may klewydh ger dhiworth ow ganow, ty a re dhedha gwarnyans dhiworthiv.

Ezekiel 33:7

Ytho ty, A vab den, my a'th wra goelyador rag chi Ysrael; ytho peskweyth may klewydh ger dhiworth ow ganow, ty a re dhedha gwarnyans dhiworthiv.

Sefania 3:9

Rag ena my a dhaskorr gweusyow pur dhe'n poblow may halwons i oll war hanow an Arloedh rag y servya gans unn akord.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Oberow 2:1

Pan dhothya dy' Fenkost, yth esens i oll war-barth y'n keth tyller,

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

1 Korinthianys 13:12

Rag lemmyn, ni a wel yn gweder, yn tewl, mes ena fas orth fas; lemmyn my a woer yn rann, mes ena my a wra aswonn yn tien, kepar dell ov vy aswonnys yn tien.

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 19:4

Ha'n peswar henavek warn ugens ha'n peswar kreatur bew a goedhas ha gordhya Duw owth esedha war an tron, ow leverel, ‘Amen, Alleluya!’