Ysay 52:7 - An Bibel Kernewek 20234 (Kernewek Kemmyn)

⁷ Ass yw teg war an menydhyow treys an gannas hag a dhre nowodhow da, neb a dhyllo kres ha derivas dader, neb a dhyllo selwyans; neb a lever dhe Sion, ‘Dha Dhuw a reyn.’

Ysay 52:7 ပူးပေါင်းရင်းမြစ်များ

Salmow 59:13

gwra aga distrui y'th sorr, distru, rag na vons namoy. Godhvydhens i Duw dhe rewlya yn Yakob, ha bys yn pennow an nor. Sela.

Salmow 68:11

An Arloedh a ros an ger; bagas meur a dhellos an derivas:

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Salmow 96:10

Leverewgh yn mysk an kenedhlow, ‘Yma an Arloedh ow reynya! An nor devri yw fastys, ma na yllir y dhisevel; ev a vreus an poblow gans ewnder.’

Salmow 97:1

An Arloedh a reyn, lowenhes an nor; bedhes heudhik ynysow pals.

Salmow 98:2

An Arloedh re dherivas y selwyans; ev re dhiskwedhas y ewnder yn golok an kenedhlow.

Salmow 98:3

Ev re borthas kov a'y dregeredh ha'y lelder orth chi Ysrael. Oll pennow an norvys re welas selwyans agan Duw.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

An Gan a Ganow 2:8

Lev ow haradow! otta, ev a dheu, ow lamma war an menydhyow, ow terlemmel war an breow.

Ysay 24:23

An loer a's tevydh meth ha'n howl a vydh shamys; rag Arloedh an luyow a reyn yn menydh Sion hag yn Yerusalem, ha glorifiys vydh a-rag y henavogyon.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 41:27

My re beu an kynsa neb a dherivas dhe Sion, ‘Awottensi!’ My a re dhe Yerusalem kannas a nowodhow da.

Ysay 42:11

Dreheves an gwylvos ha'y sitys aga lev, an trevow mayth usi Kedar trigys ynna; kanes trigoryon Sela yn lowen, garmens dhiwar bennow an menydhyow.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Nahum 2:1

Ev neb a skatter yw devedhys erbynn dha fas. Gwith an fos, aspi orth an fordh, krevha dha dhiwglun, krevha dha nerth yn feur.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Mark 13:10

Ha kyns oll, res yw an aweyl dhe vos pregewthys dhe oll an kenedhlow.

Mark 16:15

Hag ev a leveris dhedha, ‘Ewgh hwi yn oll an bys, ha pregewthewgh an aweyl dhe bub kreatur.

Luk 2:10

Ha'n el a leveris dhedha, ‘Na berthewgh own, rag otta, my a dhre dhywgh nowodhow da a lowena veur hag a vydh rag oll an bobel,

Luk 24:47

hag edrega, ha dehwelyans peghosow, dhe vos pregewthys yn y hanow ev dhe oll an kenedhlow, ow talleth dhiworth Yerusalem.

Efesianys 6:15

hag owth arghena an treys gans ombareusyans a dheu dhiworth an aweyl a gres.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,