Ysay 52:2 - An Bibel Kernewek 20234 (Kernewek Kemmyn)

² Shak dha honan dhiworth an doust, sav yn-bann, esedh war dha dron, A Yerusalem; digolm an kadonyow a'th konna, A gethes, myrgh Sion.

Ysay 52:2 ပူးပေါင်းရင်းမြစ်များ

Ysay 10:27

Y'n jydh na y vegh a vydh drehevys a-dhiwar dha skoedh, ha'y yew a-dhiwar dha gonna. Ev res eth yn-bann dhiworth Rimmon,

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 29:4

Ty a vydh dres isel, ha kewsel dhiworth an dor, ha dha lavar a vydh ankler y'n mes a'n doust. Dha lev a vydh avel nygromons yn-mes a'n dor, ha dha lavar a hwyster yn-mes a'n doust.

Ysay 3:26

Hy yetys a gyn ha galari, hag omdhivesys hi a vydh esedhys war an dor.

Ysay 49:21

Ena ty a lever y'th kolonn, ‘Piw re dhineythis an re ma ragov? My re gollas ow fleghes, hag anvap en, divres ha gorrys dhe-ves; ytho piw re vagas an re ma? Otta, gesys veuv ow honan. An re ma, a-ble teuthons?’

Ysay 51:14

Delivrys vydh yn skon an re gweskys dhe'n dor yn kargharow; ny verwons y'n pytt, na ny fyllons a vara.

Ysay 51:23

Ha my a'n gorr yn dorn dha dormentorys, neb a leveris dhis, ‘Pleg dhe'n dor rag may kerthyn warnas’; ha ty re wrug dha geyn avel an dor, hag avel an stret rag tus dhe dremena warnodho.

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 9:4

Rag ty re dorras yew y vegh, ha lorgh y dhiwskoedh, an welenn a wre y gonstryna, kepar hag yn dydh Midyan.

Yeremia 51:45

Dewgh yn-mes anedhi, ow fobel! Sawyewgh agas bewnans, peub ahanowgh, a-dhiworth sorr fers an Arloedh!

Yeremia 51:50

Hwi re dhienkas dhiworth an kledha, kewgh, na daryewgh! Perthewgh kov a'n Arloedh a-bell, ha gesewgh Yerusalem dhe dhos yn agas brys.

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Ezekiel 34:27

Gwydh an gwel a re aga froeth, ha'n tir a re y askorr. I a vydh saw yn aga thir; hag i a woer my dhe vos an Arloedh, pan dorrav barrys a'ga yew, ha'ga sawya dhiworth leuv an re a's kethhas.

Zekaria 2:6

Yn-sol! Yn-sol! Fiewgh a dir an kledh, yn-medh an Arloedh, rag my re'gas lesas avel an peswar gwyns a nev, yn-medh an Arloedh.

Zekaria 2:7

Yn-sol, A Sion! Diank, ty neb eus trigys gans Myrgh Babylon!

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Diskwedhyans 18:4

Ha my a glewas ken lev dhiworth nev, ow leverel, ‘Dewgh yn-mes anedhi, ow fobel, ma na vewgh kevrennogyon a'y feghosow, ha ma na dhegemmerrowgh a'y flaow.