Ysay 52:12 - An Bibel Kernewek 20234 (Kernewek Kemmyn)

¹² Rag ny wrewgh dos yn-mes yn fysk ha ny wrewgh mos yn fo, rag an Arloedh a a-ragowgh, ha Duw Ysrael a vydh agas gwithyas-delergh.

Ysay 52:12 ပူးပေါင်းရင်းမြစ်များ

1 Kroniklys 14:15

Pan glewydh son avel keskerdh yn penn an gwydh balsam, ena ke yn-mes dhe'n vatel; rag Duw res eth yn-mes a-dheragos dhe weskel lu an Filistysi.’

Eksodus 12:11

Y'n vaner ma hwi a wra y dhybri: grogysys agas diwglun, agas sandalyow war agas treys ha'gas gwelenn yn agas dorn; ha hwi a wra y dhybri yn unn fyski. Pask an Arloedh yw.

Eksodus 12:33

Ha'n Ejyptianys a ynnias war an bobel ma's tannvonens yn-mes a'n tir yn fysk; rag i a leveris, ‘Tus varow on ni oll.’

Eksodus 12:39

Hag i a bebis torthow heb goell gans an toes re dhrosens a Ejyp, rag y vos heb goell, drefenn aga bos herdhys yn-mes a Ejyp ha ny yllons strechya, na ny bareussens sosten dhedha aga honan.

Eksodus 14:8

Ha'n Arloedh a galeshas kolonn Faro myghtern Ejyp hag ev a siwyas mebyon Ysrael dell ethons yn-rag gans leuv ughel.

Ysay 26:7

Fordh an den gwiryon yw kompes; ty a wra leven hyns an den gwiryon.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 45:2

Yth av a-ragos ha levenhe an menydhyow; my a derr an darasow a vrons, ha treghi der an barrys a horn.

Ysay 49:10

Ny's tevydh na nown na syghes, ny's gwask na toemmder na howl, rag ev neb a gemmer truedh anedha a vynn aga hembronk, ha ryb fentynyow dowr aga hevarwoedha.

Ysay 49:11

Ha my a dreyl oll ow menydhyow dhe vos fordh, ha'n fordhow-meur a vydh sevys yn-bann.

Ysay 51:14

Delivrys vydh yn skon an re gweskys dhe'n dor yn kargharow; ny verwons y'n pytt, na ny fyllons a vara.

Ysay 57:18

My re welas y fordhow, mes my a'n yaghha; my a'n hembronk hag attyli konfort dhodho,

Ysay 58:8

Ena dha wolow a dardh avel an bora, ha'th yaghheans a egin dihwans, ha'th ewnder a gerdh a-ragos; glori an Arloedh a vydh dha withyas dhelergh.

Mika 2:13

Ev neb a derr an aswa, yskynna a-dheragdha a wra; i a derr der an aswa ha tremena der an yet, ha mos yn-mes dredhi. Aga myghtern a dremen a-dheragdha, an Arloedh orth aga fenn.

Niverow 10:25

Ena baner kamp mebyon Dan, avel gwithysi-dhelergh an kampow oll, eth yn-kerdh herwydh aga luyow; ha war aga lu yth esa Ahiezer mab Ammishadday.

Dewteronomi 16:3

Na dheber ganso travyth gans goell ynno. Seyth dydh ty a dheber bara heb goell, bara galar, rag ty a dheuth yn-mes a bow Ejyp yn unn fyski, rag may perthi kov a'n jydh may teuthys yn-mes a bow Ejyp, oll dydhyow dha vewnans.

Dewteronomi 20:4

rag yth yw an Arloedh agas Duw neb a gerdh genowgh dhe vatalyas ragowgh orth agas eskerens, dh'agas sawya.’

Yoshua 4:11

Ha kettell worfennas oll an bobel treusi, argh an Arloedh ha'n oferysi a dreusis a-rag an bobel.

Yoshua 6:9

An dus ervys eth a-rag an oferysi esa ow hwytha an hirgern; ha'n withysi-dhelergh a gerdhas a-dhelergh dhe'n argh, ha'n oferysi ow kerdhes yn-dann hwytha an hirgern.

Breusysi 4:14

Ena Debora a leveris dhe Barak, ‘Yn-bann! Rag hemm yw an jydh may ros an Arloedh Sisera y'th leuv. Yn tevri yma an Arloedh ow mos yn-mes a-ragos.’ Ytho Barak eth yn-nans a venydh Tabor gans deg mil wour orth y holya.