Ysay 52:11 - An Bibel Kernewek 20234 (Kernewek Kemmyn)

¹¹ Treylyewgh, treylyewgh, dewgh yn-mes alena, na dochyewgh tra avlan. Dewgh yn-mes anodho ha bedhewgh glan, hwi neb a dheg lestri an Arloedh.

Ysay 52:11 ပူးပေါင်းရင်းမြစ်များ

1 Kroniklys 15:12

ha leverel dhedha, ‘Hwi yw pennow teyluyow an Levysi; sakrewgh agas honan, hwi ha'gas breder, may tryllowgh yn-bann argh an Arloedh, Duw Ysrael, dhe'n tyller re dharbaris vy dhedhi.

Eksodus 30:19

ganso may hwra Aron ha'y vebyon golghi aga diwla ha'ga threys.

Ysay 1:16

Omwolghewgh, omlanhewgh; kemmerewgh agas drog wriansow yn-mes a'm gwel; hedhewgh a gammwul,

Ysay 48:20

Kewgh yn-mes a Babylon, fiewgh dhiworth Kaldea, dyllewgh hemma gans garm a lowender, ha'y dherivas, dannvenewgh e bys yn penn an norvys; leverewgh, ‘An Arloedh re dhasprenas Yakob y was.’

Ysay 66:20

I a dhre oll agas breder dhiworth oll an kenedhlow avel offrynn dhe'n Arloedh, war vergh, hag yn charettow, hag yn gravathow, ha war vulyon, ha war gowrvergh, dhe'm menydh sans, Yerusalem, yn-medh an Arloedh, kepar dell dhre mebyon Ysrael offrynn yn lester glan dhe ji an Arloedh.

Yeremia 31:21

Drehav arwoedhyow-fordh, gwra dhis postow kevarwoedh; gorr dha golonn troha'n fordh-veur, an fordh mayth ythys. Treyl arta, A wyrghes Ysrael, treyl arta dhe'n sitys ma usi dhis.

Yeremia 50:8

Fiewgh a gres Babylon, kewgh dhe bow an Kaldeanys, ha bedhewgh avel boghes a-rag an flokk.

Yeremia 51:45

Dewgh yn-mes anedhi, ow fobel! Sawyewgh agas bewnans, peub ahanowgh, a-dhiworth sorr fers an Arloedh!

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Ezekiel 44:23

I a dhysk dhe'm pobel dissernya ynter an sans ha'n ansans, ha diskwedhes dhedha dissernya ynter an avlan ha'n glan.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Levitikus 11:45

Rag my yw an Arloedh a'gas dros yn-mes a bow Ejyp, dhe vos agas Duw; ytho bedhewgh sans, rag sans ov vy.

Levitikus 11:47

dhe dhissernya ynter an avlan ha'n glan, hag ynter an kreatur a yll bos dybrys ha'n kreatur na yll bos dybrys.

Levitikus 21:6

I a vydh sans dh'aga Duw, ha ny dhisakrons hanow aga Duw, rag i a offrynn offrynnow dre dan dhe'n Arloedh, bara aga Duw. Ytho, sans vydhons.

Zekaria 2:10

Kan ha lowenha, A Vyrgh Sion, rag awotta, yth esov vy ow tos, ha my a wra triga y'th fysk, yn-medh an Arloedh.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Niverow 16:26

Hag ev a leveris dhe'n kuntelles, ‘Diberthewgh, my a'gas pys, a dyldow an debel wer ma, ha na dochyewgh travyth yw dhedha ma na vowgh diswrys gans aga feghosow oll.’

Niverow 19:11

Ev neb a doch an korf marow a dhen pynag a vydh avlan seyth dydh;

Niverow 19:16

Piwpynag y'n gwel igor a docchyo nebonan yw ledhys gans kledha, po korf marow, po askorn den, po bedh, a vydh avlan seyth dydh.

Niverow 8:6

Kemmer an Levysi a-dhiworth mebyon Ysrael, ha'ga glanhe.

Oberow 10:14

Mes yn-medh Peder, ‘Kamm na yll bos, Arloedh, drefenn na dhybris vy bythkweth travyth kemmyn nag avlan.’

Oberow 10:28

ha leverel dhedha, ‘Dell gonvedhowgh, erbynn lagha yw rag Yedhow kowethya gans estren po dos nes dhodho; mes Duw re dhiskudhas dhymm na dhegoedh dhymm gelwel denvyth kemmyn nag avlan;

Romanyon 14:14

My a woer ha gwrys sur ov gans an Arloedh Yesu, nag yw travyth kemmyn dredho y honan, mes gans an den a dyb y vos kemmyn, kemmyn yw.

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Efesianys 5:11

Ha na gemmerewgh rann gans gwriansow difrut an tewlder; gwell yw aga heredhi.

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

Diskwedhyans 18:4

Ha my a glewas ken lev dhiworth nev, ow leverel, ‘Dewgh yn-mes anedhi, ow fobel, ma na vewgh kevrennogyon a'y feghosow, ha ma na dhegemmerrowgh a'y flaow.