Ysay 52:1 - An Bibel Kernewek 20234 (Kernewek Kemmyn)

¹ Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 52:1 ပူးပေါင်းရင်းမြစ်များ

1 Kroniklys 16:29

Rewgh dhe'n Arloedh an gordhyans a dhegoedh dh'y hanow; drewgh offrynn, ha dewgh a-dheragdho. Gordhyewgh an Arloedh yn tekter sansoleth;

Nehemia 11:1

Yth esa trigys hembrenkysi an bobel yn Yerusalem ha remenant an bobel a dewlis prenn dhe dhewis unn deylu mes a bub deg dhe driga yn Yerusalem, an sita sans, ha'n naw arall yn trevow erell.

Salmow 110:3

Yma genes mestrynses yn dydh dha nerth, yn splannderyow sansoleth. Dhiworth brys an bora y fydh genes gluth dha yowynkneth.

Eksodus 28:2

Ha ty a wra gwiskasow sans a-barth Aron dha vroder, rag gordhyans ha rag tekter.

Eksodus 28:40

Ha rag mebyon Aron ty a wra powsyow ha grogysyow ha bondow-penn; ty a's gwra rag gordhyans ha tekter.

Ysay 1:21

Assa wrug an sita len dos ha bos hora! Hi neb a veu leun a wirvreus, ewnder a ostya ynni, mes lemmyn denledhysi.

Ysay 1:26

My a wra restorya dha vreusysi kepar ha kyns, ha dha gonseloryon kepar hag y'n dalleth. Wosa hemma ty a vydh henwys sita an ewnder, an sita len.

Ysay 26:2

Igerewgh an yetys rag mayth entro dredha an genedhel wiryon, a with lelder.

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Ysay 4:3

Ev neb a vydh gesys yn Sion, neb a worta yn Yerusalem, a vydh henwys sans, pubonan neb a veu skrifys rag bewnans yn Yerusalem,

Ysay 48:2

Rag i a omhenow war-lergh an sita sans, ha fydhya yn Duw Ysrael; Arloedh an luyow yw y hanow.

Ysay 49:18

Drehav dha dhewlagas a-derdro ha gwel; i oll a omguntell, i a dheu dhis. Dell vewav, yn-medh an Arloedh, ty a wra aga gwiska oll avel tegenn, hag avel benyn bries ty a's kelm warnas.

Ysay 51:17

Difun, difun! Sav yn-bann, A Yerusalem, ty neb re evas orth dorn an Arloedh hanaf y sorr, neb re evas bys y'n godhes an bolla a vedhwenep.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ysay 60:1

Sav, splann; rag dha wolow re dheuth, ha glori an Arloedh re dhrehevis warnas.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 64:10

Dha sitys sans re dheuth ha mos gwylvos, Sion yw gwylvos, ha Yerusalem yw ynyalder.

Yeremia 31:23

Yndellma y lever Arloedh an luyow, Duw Ysrael: I a wra devnydh a'n geryow ma arta yn pow Yuda ha'y threvow, pan y's trov arta dhiworth kethneth: ‘Re'th vennikko an Arloedh, A drigva ewnder, menydh gwiryonedh!’

Ezekiel 44:9

Yndellma y lever an Arloedh Duw: Ny dheu y'm sentri estren vyth, antrodreghys y golonn na antrodreghys y gig, na hwath an estrenyon usi yn mysk mebyon Ysrael.

Daniel 10:9

Ena my a glewas y lev ow kewsel; ha kettell glewis son y eryow, y koedhis yn transyek war ow fas, ha'm fas orth an dor.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Haggay 2:4

Mes lemmyn bydh kolonnek, A Zerubbabel, yn-medh an Arloedh, ha bydh kolonnek, A arghoferyas Yoshua mab Yosedek, ha bedhewgh kolonnek, oll pobel an vro, yn-medh an Arloedh, hag oberewgh, drefenn ow bos genowgh, yn-medh Arloedh an luyow.

Zekaria 3:4

An el a leveris dhe'n re esa ow sevel a-ragdho, ‘Kemmerewgh dhiworto an dillas plos.’ Ena ev a leveris dhe Yoshua, ‘Mir, my re dhug dhiworthis dha gammhynseth, ha my a wra dha wiska yn dillas teg.’

Matthew 4:5

Ena an jowl a'n kemmeras dhe'n sita sans hag a'n settyas war bynakyl an tempel,

Luk 15:22

Mes y das a erghis dh'y gethwesyon, “Drewgh uskis an gwella pows ha'y gorra warnodho, ha rewgh bysow war y leuv hag eskisyow war y dreys.

Romanyon 13:14

Mes gwisk an Arloedh Yesu Krist, ha na dharbar dhe'n kig, rag y lustys.

Romanyon 3:22

ewnder Duw dre fydh yn Yesu Krist rag oll hag a grys. Rag nyns eus dibarth;

Efesianys 4:24

ha dhe wiska an den nowydh yw gwrys war-lergh Duw yn ewnder ha sansoleth a dheu dhiworth an gwir.

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Diskwedhyans 11:2

Mes gwra goheles an klos usi a-ves dhe'n tempel, ha na wra y vusura rag y vos res dhe'n Jentilys; hag i a wra trettya an sita sans dew vis ha dew-ugens.

Diskwedhyans 19:14

Ha'n luyow esa yn nev a'n siwyas war vergh gwynn, gwiskys yn sendal, gwynn ha glan.

Diskwedhyans 19:8

Ha res veu dhedhi hi bos gwiskys yn sendal, splann ha pur’ – rag an sendal yw oberow gwiryon an syns.

Diskwedhyans 21:2

Ha my a welas an sita sans, Yerusalem nowydh, ow tiyskynna yn-mes a nev dhiworth Duw, parys kepar ha benyn bries afinys rag hy gour.

Diskwedhyans 21:27

Ha ny wra entra ynni travyth y'n bys a vo avlan, na neb a wra tra gasadow, po gowleverel, marnas seul yw skrifys yn lyver bewnans an Oen.