Ysay 51:7 - An Bibel Kernewek 20234 (Kernewek Kemmyn)

⁷ Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Ysay 51:7 ပူးပေါင်းရင်းမြစ်များ

Salmow 37:31

Yma lagha y Dhuw yn y golonn; ny drebuch y gammow.

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 37:6

yn-medh Ysay dhedha, ‘Leverewgh yndellma dh'agas arloedh, “Yndellma y lever an Arloedh: Na borth own a'n geryow a glewsowgh, ma'm arvedhas gwesyon myghtern Assyria dredha.

Ysay 51:1

Goslowewgh orthiv, hwi hag a jas war-lergh ewnder, hwi hag a hwila an Arloedh. Mirewgh orth an garrek may fewgh treghys dhiworti, hag orth an mengleudh may fewgh pelys dhiworto.

Ysay 54:4

Na borth own, rag ny' fydh sham, na vydh digolonnek, rag ny berthydh mewl; rag ty a ankev disenor dha yowynkneth, ha ny berthydh kov a vewl dha wedhowses na fella.

Yeremia 1:17

Ty ytho grogys dha dhiwglun, ha sevel, ha kewsel dhedha pup-tra a worhemmynnav dhis: na vydh ownek a-ragdha, ma na'th ownekhav a-dheragdha.

Ezekiel 2:6

Ha ty, A vab den, na borth own anedha na a'ga geryow. Na borth own kyn fo spern ha spedhas a-dro dhis, ha ty trigys yn mysk skorpyons. Na borth own a'ga geryow ha na borth euth a'ga fasow, rag chi diwostydh yns i.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Matthew 5:11

‘Gwynn agas bys pan y'gas despityons ha'gas helghya ha leverel pub eghenn a dhrog gans gow er agas pynn a-barth dhymmo vy.

Luk 6:22

‘Gwynn agas bys pan wra tus agas kasa, ha pan wrons agas keas mes ha despitya ha tewlel agas hanow yn-mes avel drogoberoryon, a-barth Mab an den;

Oberow 5:41

Rakhenna, i eth yn-mes dhiworth an konsel ow lowenhe, drefenn aga bos reknys gwiw dhe berthi disenor a-barth an hanow.

2 Korinthianys 3:3

ha diskwedhys owgh hwi dhe vos lyther Krist, der agan menystrans; nyns owgh hwi skrifys der ynk, mes gans Spyrys an Duw bew, a-der yn leghyon a ven mes yn leghyon hag yw kolonnow a gig.

Dewteronomi 6:6

Ha'n geryow ma esov ow korhemmynna dhis hedhyw a vydh war dha golonn;

Filippianys 3:10

rag y aswonnvos ev ha galloes y dhasserghyans, ha kevrenn yn y alarow, kesformys yn y vernans,

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

Ebrowyon 10:16

‘Hemm yw an kevambos a wrav gansa wosa an dydhyow na, yn-medh an Arloedh; my a worr ow laghow yn aga holonn, ha'ga skrifa yn aga brys’,

1 Peder 4:14

Mars owgh hwi despitys yn hanow Krist, gwynn agas bys rag an Spyrys a splannder hag a Dhuw a wra powes warnowgh.

1 Peder 4:4

Marth a's teves na resowgh hwi gansa i dhe'n keth liv a wrians direwl, hag i a'gas kabel;