Ysay 51:5 - An Bibel Kernewek 20234 (Kernewek Kemmyn)

⁵ Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.

Ysay 51:5 ပူးပေါင်းရင်းမြစ်များ

Salmow 110:6

Ev a vreus yn mysk an kenedhlow; ev a's lenow a gorfow marow, ha brewi kregyn yn lies bro.

Salmow 67:4

Bedhes an kenedhlow heudhik ha garma yn lowen, rag ty a vreus an poblow gans ewnder, ha kevarwoedha an kenedhlow war an nor. Sela.

Salmow 85:9

Yn hwir yma y selwyans ogas dhe'n re a berth own anodho, may trykko golewder yn agan tir.

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 24:15

Rakhenna y'n howldrevel ri glori dhe'n Arloedh; hanow an Arloedh, Duw Ysrael, yn ynysow an mor.

Ysay 26:4

Trestyewgh y'n Arloedh bynnari rag an ARLOEDH DUW yw karrek bys vykken.

Ysay 33:2

A Arloedh, bydh grassyes orthyn; ni re'th wortas. Bydh agan bregh pub myttin, ha'gan selwyans yn termyn ankres.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 40:10

Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 49:1

Goslowewgh orthiv, ynysow, klewewgh, A boblow, a bellder: an Arloedh a'm gelwis dhiworth an dorr, pan esen yn brys ow mamm ev a'm henwis.

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Ysay 56:1

Yndellma y lever an Arloedh: Gwithewgh gwirvreus ha gwrewgh ewnder, rag ow selwyans a dheu a verr spys ha'm ewnder a vydh diskudhys.

Ysay 59:16

Ev a welas na veu denvyth, hag ev a'n jevo marth na veu denvyth dhe vos mayn; rakhenna y vregh a wrug selwyans ragdho, ha'y ewnder a'n sostenas.

Ysay 60:9

Rag an ynysow a'm gorta, gorholyon Tarshish yw an kynsa, dhe dhri dha vebyon a bellder, ha'ga owr ha'ga arghans gansa, rag hanow an Arloedh dha Dhuw, ha rag Sans Ysrael, rag ev re'th glorifias.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Ysay 63:5

My a viras, mes nyns esa denvyth ow kweres; skruth a'm kemmeras, nag esa denvyth ow skoedhya; ytho ow bregh ow honan a wrug delivrans, ha'm sorr a'm skoedhyas.

Yoel 3:12

Gwres an kenedhlow difuna, ha dos yn-bann dhe nans Yehoshafat; rag my a esedh rag breusi oll an kenedhlow a-derdro.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Mark 16:15

Hag ev a leveris dhedha, ‘Ewgh hwi yn oll an bys, ha pregewthewgh an aweyl dhe bub kreatur.

Luk 24:47

hag edrega, ha dehwelyans peghosow, dhe vos pregewthys yn y hanow ev dhe oll an kenedhlow, ow talleth dhiworth Yerusalem.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Dewteronomi 30:14

Rag yma an ger fest yn ogas dhis, yn dha anow hag yn dha golonn, rag y wul.

1 Samuel 2:10

Eskerens an Arloedh a vydh brewys; ev a darenn er aga fynn a-dhiworth nev. An Arloedh a vreus pennow an nor; ev a re galloes dh'y vyghtern, hag ughelhe korn y untys.’