Ysay 51:4 - An Bibel Kernewek 20234 (Kernewek Kemmyn)

⁴ Goslowewgh orthiv, ow fobel, hag attendyewgh orthiv, ow henedhel; rag lagha a yn-mes a-dhiworthiv, ha'm ewnder a vydh golow dhe'n kenedhlow.

Ysay 51:4 ပူးပေါင်းရင်းမြစ်များ

Salmow 106:5

rag may hwelliv sewenyans an re dewisys genes, ha lowenhe yn heudhder dha genedhel, ha bostya gans dha ertach.

Salmow 147:20

Ny dhyghtyas kenedhel nahen yndellma, ha'y vreusow, ny's aswonnons. Gormelewgh an Arloedh.

Salmow 33:12

Gwynnvys an genedhel hag yw an Arloedh hy Duw, an bobel dewisys ganso dhe vos y ertach y honan.

Salmow 50:7

Klew, ow fobel, ha my a gews, ha my a dheg dustuni er dha bynn, A Ysrael; my yw Duw, dha Dhuw jy.

Salmow 78:1

Goslowewgh orth ow lagha, ow fobel; plegyewgh agas skovarn dhe lavarow ow ganow.

Eksodus 19:6

ha hwi a vydh dhymm gwlaskor a oferysi ha kenedhel sans. An re ma yw an geryow hag a wredh kewsel dhe vebyon Ysrael.’

Eksodus 33:13

Lemmyn ytho, my a'th pys, mar kevis gras y'th wolok, diskwedh dhymm lemmyn dha fordhow, ma'th aswonniv ha kavoes gras y'th wolok. Preder ynwedh bos an genedhel ma dha bobel.’

Lavarow Koth 6:23

Rag an gorhemmynn yw lugarn ha'n dyskans yw golow, ha'n reprevow a dhyskybleth yw an fordh a vewnans,

Ysay 1:27

Sion a vydh dasprenys dre wirvreus, ha'n re anedha a dhehwel, der ewnder.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 26:2

Igerewgh an yetys rag mayth entro dredha an genedhel wiryon, a with lelder.

Ysay 26:8

Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 42:21

Da o gans an Arloedh, dre reson y ewnder, moghhe an lagha ha'y gul gloryus.

Ysay 42:6

My yw an Arloedh, my re'th helwis yn ewnder, my a'th syns er an leuv, ha dha witha, my re'th ros yn kevambos dhe'n bobel, golow dhe'n kenedhlow,

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Ysay 63:8

Ev a leveris, ‘Sur ow fobel yns i, mebyon na wra falsuri’; ytho ev a dheuth ha bos Selwador dhedha

Mika 4:2

Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Luk 2:32

golow rag diskwedhyans dhe'n Jentilys, ha glori dhe'th pobel Ysrael.’

1 Korinthianys 9:21

Dhe'n re a-ves dhe'n lagha my eth ha bos avel onan a-ves dhe'n lagha – kyn nag esov evy a-ves dhe lagha Duw, mes yn-dann lagha Krist – may hwaynnyen an re a-ves dhe'n lagha.

Dewteronomi 18:18

My a dhrehav ragdha yn-mes a'ga breder profoes yw haval dhis. My a worr ow geryow yn y anow, hag ev a gews dhedha pup-tra a worhemmynnav.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.