Ysay 51:19 - An Bibel Kernewek 20234 (Kernewek Kemmyn)

¹⁹ An dhew dra ma re hwarva dhis; piw a geskodhev genes? Gwastya ha distrui, divoetter ha kledha; piw a'th konfort?

Ysay 51:19 ပူးပေါင်းရင်းမြစ်များ

Job 2:11

Pan glewas tri howeth Job a-dro dhe'n drogedh oll ma re dhothya warnodho, i a dheuth pub huni dhiworth y dyller y honan, Elifaz an Temanyas, Bildad an Shuhyas ha Sofar an Naamathyas. I a settyas prys war-barth rag dos dhe geskalari ganso ha rag y gonfortya.

Job 42:11

Oll y vreder hag oll y hwerydh a dheuth dhodho ha pubonan re'n aswonnsa kyns ha dybri ganso yn y ji. I a'n konfortyas ha keskodhevel ganso a-dro dhe oll an trobel re dhrosa an Arloedh dhodho, ha pubonan a ros dhodho bath a vona ha bysow a owr.

Salmow 69:20

Mewl re dorras ow holonn, ha paynys bras a'm beus. My a hwilas neb a gemmerra truedh ahanav, mes nyns esa; ha konforters, mes ny's kevis.

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ysay 14:30

An re gynsa-genys a'n voghosogyon a beur, ha'n edhommogyon a wrowedh yn sawder. Mes my a dhistru dha gyf gans divoetter; ha ladha dha remenant.

Ysay 22:4

Rakhenna my a leveris, Mirewgh dhe-ves dhiworthiv, my a oel yn hwerow. Na assayewgh ow honfortya drefenn terroes myrgh ow fobel.

Ysay 47:9

An dhew dra ma a dheu warnas, a-dhistowgh, a-ji dhe unn jydh: koll fleghes ha gwedhowses a dheu warnas yn leun, yn despit dhe'th husow pals, ha galloes meur dha worhanow.

Ysay 54:11

Ty druan, tewedhek, ha na veus konfortys, otta, my a sett dha veyn yn antimoni, ha'th fondya war selyow a saffir.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Ysay 8:21

Ev a dremen der an tir, duwenik ha nownek; ha rag bos dhedha nown, i a vydh serrys, hag ow mires war-vann i a volleth aga myghtern ha'ga Duw;

Ysay 9:20

A-dhyghow den a dhevor ha hwath nownek vydh; a-gledh den a dheber ha ny vydh gwalghys. Pubonan a dheber kig y gentrevek.

Yeremia 15:5

Rag piw a gemmer truedh ahanas A Yerusalem? po piw a'th kyn? po piw a geskodhev genes dhe wovynn a-dro dhe'th yeghes?

Yeremia 24:10

Ha my a dhannvon an kledha, divoetter, ha'n pla yntredhon, bys pan vydhons distruys yn tien a'n tir a res dhedha ha dh'aga thasow.

Kynvannow 1:12

A ny vern travyth, oll hwi a dremen? Mirewgh, ha gweles mars eus ahwer kepar ha'm ahwer vy, a veu gorrys warnav, ma'm grevyas an Arloedh ganso yn dydh y sorr fers.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Kynvannow 3:47

Euth ha'n pytt re beu dhyn, diswrians ha terroes.

Ezekiel 14:15

Mar tannvonav drog woedhviles der an pow ha'y dhibobla, may fo difeyth, ha ma na allo denvyth tremena drefenn an bestes,

Ezekiel 14:21

Rag yndellma y lever an Arloedh Duw: Pygemmys moy y fydh pan dhannvonav erbynn Yerusalem ow feder tebel vreus; kledha, divoetter, drog woedhviles, ha plag, dhe dreghi dhiworti den ha best!

Amos 7:2

Ha pan gowldhyb'sens losow an dor, yn-medhav, ‘A Arloedh Duw, gav, my a'th pys! Fatell yll Yakob sevel? rag byghan yw.’

Nahum 3:7

Hag y hwyrvydh, kemmys neb a vir warnas a blynch dhiworthis, ha leverel, ‘Nineve yw gwastys: piw a wra kyni warnedhi? A-ble hwilav konfortoryon rygdhi?’

2 Korinthianys 7:13

Dre hemma ni re beu konfortys. Mes moy es agan konfort, ni a lowenhas hwath moy drefenn joy Titus, hag a veu disyghys y spyrys genowgh hwi oll;