Ysay 51:16 - An Bibel Kernewek 20234 (Kernewek Kemmyn)

¹⁶ My re worras ow geryow yn dha anow, ha'th kudha yn skeus ow leuv, owth ystynn an nevow, hag ow fondya selyow an norvys, hag ow leverel dhe Sion, ‘Ty yw ow fobel.’

Ysay 51:16 ပူးပေါင်းရင်းမြစ်များ

Salmow 75:3

An nor a deudh ha myns eus trigys ynno; my yw neb a fast y golovenyow.’ Sela.

Salmow 91:4

Ev a'th kudh gans y bluv, hag yn-dann y eskelli y hwilydh skovva; y wirder yw dha skoes ha'th vokler.

Salmow 92:13

An re yw plynsys yn chi an Arloedh, a las yn klosyow agan Duw.

Eksodus 33:22

ha'm golewder ow tremena, my a wra dha worra yn fols y'n garrek, ha'th kudha gans ow dorn ha my ow tremena;

Eksodus 4:15

Ha ty a gews orto ha gorra an geryow yn y anow; ha my, my a vydh gans dha anow ha gans y anow dhe dhyski dhywgh an pyth dhe wul.

Ysay 45:18

Rag yndellma y lever an Arloedh, Kreador an nevow, Duw yw ev; ev a formyas an norvys ha'y wruthyl; ev a'n fastyas, ny'n kreatyas dhe vos gwag, ev a'n formyas dhe vos annedhys: My yw an Arloedh, nyns eus arall.

Ysay 48:13

Ow dorn a fondyas an norvys, ha'm dorn dhyghow a lesas an nevow; pan y's galwav, i a sev a-ragov war-barth.

Ysay 49:2

Ev a wrug ow ganow avel kledha lymm, yn skeus y dhorn ev a'm kudhas; ev a'm gwrug seth lymmys, yn goen y sethow ev a'm kelas.

Ysay 49:8

Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 57:19

ow formya an frut a hebaska war dhiwweus an gynoryon. Kres, kres dhodho ev neb yw ogas, ha dhodho ev neb yw pell, yn-medh an Arloedh; ha my a'n yaghha.

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Ysay 65:17

Rag awottavy ow kreatya nevow nowydh ha nor nowydh; ny vydh kovhes an kynsa, nag entra y'n brys.

Ysay 66:22

Rag kepar dell vydh an nevow nowydh ha'n norvys nowydh, a wrav aga kreatya, ow sevel a-ragov, yn-medh an Arloedh, yndellma y sev agas has ha'gas hanow.

Yeremia 1:9

Ha'n Arloedh a ystynnas y leuv ha tochya ow ganow. Hag yn-medh an Arloedh dhymm, ‘Awotta, my re worras ow geryow y'th hanow.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 32:38

I a vydh ow fobel, ha my a vydh aga Duw.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Zekaria 8:8

My a wra aga dri, hag i a drig a-bervedh yn Yerusalem; i a vydh ow fobel, ha my a vydh aga Duw yn gwirder hag ewnder.

Yowann 17:8

Rag my re ros dhedha an geryow a resys dhymm, hag i a's degemmeras hag a gonvedhas yn gwirder my dhe dhos ahanas, hag i a grysis ty dhe'm dannvon.

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Dewteronomi 18:18

My a dhrehav ragdha yn-mes a'ga breder profoes yw haval dhis. My a worr ow geryow yn y anow, hag ev a gews dhedha pup-tra a worhemmynnav.

Dewteronomi 33:27

Duw heb diwedh yw skovva, hag a-woeles yma an breghow heb diwedh. Ev a fes an eskar a-ragos, hag ev a lever, ‘Distru!’

Ebrowyon 8:10

Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.

2 Peder 3:13

Mes ni a wra gortos nev nowydh ha nor nowydh war-lergh y ambos, may trig ewnder ynna.

Diskwedhyans 1:1

Diskwedhyans Yesu Krist, a ros Duw dhodho rag diskwedhes dh'y wesyon an taklow a goedh hwarvos yn skon; ow tannvon derivadow der y el dh'y was Yowann,