Ysay 51:12 - An Bibel Kernewek 20234 (Kernewek Kemmyn)

¹² My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Ysay 51:12 ပူးပေါင်းရင်းမြစ်များ

2 Myghternedh 1:15

Ena el an Arloedh a leveris dhe Elias, ‘Diyskynn ganso; na borth own anodho.’ Rakhenna ev a sevis ha diyskynna ganso dhe'n myghtern.

Salmow 118:6

Yma an Arloedh a-barth dhymm; ny borthav own. Pandr'a yll den dhe wul dhymm?

Salmow 146:4

Y anall a dhe-ves, ev a dhehwel dhe'n dor; y'n jydh na yth a y brederow oll dhe goll.

Salmow 92:7

Pan las an debeles avel an gwels, ha pan sewen oll an dhrogoberoryon, ena y fydhons diswrys bynnari;

Lavarow Koth 29:26

Lies a hwila favour rewler, mes yth yw dhiworth an Arloedh y kyv gour gwirvreus.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 2:22

Na wra mellya gans den may ma y anall yn y dhewfrik: rag pandr'a amont ev?

Ysay 40:1

Konfortyewgh, konfortyewgh ow fobel, a lever agas Duw.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 49:13

Kenewgh yn lowen, A nevow, ha kri gans joy, A norvys; kenewgh yn lowen, A venydhyow! Rag an Arloedh re gonfortyas y bobel, ha kemmeres truedh a'y voghosogyon.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 52:9

Germewgh gans joy, hwi vagoryow a Yerusalem; rag an Arloedh re gonfortyas y bobel, ev re dhasprenas Yerusalem.

Ysay 57:11

Piw re berthsys own ha dout anodho, may leversys gow, ha na berthsys kov ahanav na worra hemma y'th kolonn? A nyns yw rag my dhe dewi a hirneth, ytho ny berthydh own ahanav?

Ysay 61:2

dhe dhisklerya blydhen favour an Arloedh, ha dydh dial agan Duw; dhe gonfortya oll kynoryon;

Ysay 66:13

Avel flogh yw konfortys gans y vamm, yndella my a'gas konfort; hwi a vydh konfortys yn Yerusalem.

Ysay 8:12

Na leverewgh ‘Bras!’ pup-prys may hwra an bobel ma leverel bras, ha na berthewgh own a'ga own, na vedhewgh dyegrys.

Yeremia 38:19

Myghtern Sedekia a leveris dhe Yeremia, ‘Own a'm beus a'n Yedhewon re gilfisons dhe'n Kaldeanys, my dhe vos delivrys yn aga leuv hag i dhe'm tebeldhyghtya.’

Yeremia 41:18

drefenn an Kaldeanys; rag own a's tevo anedha, drefenn Yshmael mab Nethania dhe ladha Gedalia mab Ahikam, neb a veu gwrys governour y'n tir gans myghtern Babylon.

Ezekiel 2:6

Ha ty, A vab den, na borth own anedha na a'ga geryow. Na borth own kyn fo spern ha spedhas a-dro dhis, ha ty trigys yn mysk skorpyons. Na borth own a'ga geryow ha na borth euth a'ga fasow, rag chi diwostydh yns i.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Yowann 14:18

‘Ny'gas gasav omdhivas; dos a wrav dhywgh.

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

1 Peder 1:24

Rag, ‘Oll kig yw kepar ha gwels, hag oll y splannder kepar ha bleujenn an gwels. An gwels a wedher, ha'n vleujenn a goedh dhe-ves,

1 Samuel 15:24

Ha Sowl a leveris dhe Samuel, ‘My re beghas; my a gammdremenas erbynn gorhemmynn an Arloedh ha'th eryow, drefenn my dhe berthi own a'n bobel hag obaya aga lev.

1 Samuel 17:11

Pan leveris Sowl hag oll Ysrael geryow an Filistyas ma, sowdhenys ha dyegrys ens.

1 Samuel 21:13

Ytho ev a janjyas y fara a-dheragdha, hag ev a omwre muskok pan esa yn aga lok. Ev a gravas merkyow war dharasow an yet, ha gasa y drew dhe goedha war y varv.