Ysay 51:10 - An Bibel Kernewek 20234 (Kernewek Kemmyn)

¹⁰ A ny veu ty hag a syghas an mor, dowrow an keynvor; neb a wrug downder an mor fordh may tremenna an re dasprenys warnedhi?

Ysay 51:10 ပူးပေါင်းရင်းမြစ်များ

Salmow 106:10

Hag ev a's selwis a leuv an re a's kasas, ha'ga dasprena dhiworth leuv an eskar.

Salmow 106:9

Hag ev a geredhis an Mor Rudh, ha desyghys veu; ytho ev a's hembronkas der an downderyow kepar ha der an difeyth.

Salmow 74:13

Ty a rannas an mor dre dha nerth; ty a dorras pennow an dragones y'n dowrow.

Salmow 77:19

Yma dha fordh y'n mor, ha'th hynsyow y'n dowrow meur; ha nyns yw olow dha dreys aswonnys.

Eksodus 14:29

Mes mebyon Ysrael a gerdhas war dhor sygh yn mysk an mor, an dowrow ow pos fos dhedha a'ga dyghow hag a'ga kledh.

Eksodus 15:13

‘Ty re hembronkas y'th tregeredh an bobel re dhasprensys, ty re's kevarwoedhas dre dha nerth dhe'th trigva sans.

Ysay 11:15

An Arloedh a rann taves mor Ejyp; ev a wev y leuv war an avon gans nerth y wyns, ha'y gweskel yn seyth stredh rag may treusser yn sandalyow;

Ysay 11:16

y fydh fordh-veur dhiworth Assyria rag remenant y bobel yw gesys, kepar dell veu rag Ysrael y'n jydh mayth yskynnas yn-mes a bow Ejyp.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Ysay 35:9

Ny vydh lew ena, ha ny yskynn best gwyls warnedhi ow preydha; ny vydhons kevys ena, mes an re dhasprenys a gerdh ena.

Ysay 42:15

My a wra menydhyow ha breow difeyth, ha sygha aga erbys oll; my a dreyl an avonyow dhe ynysow, ha sygha an pollow.

Ysay 43:16

Yndellma y lever an Arloedh, a wra fordh y'n mor, hyns y'n dowrow meur,

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 62:12

I a vydh gelwys, ‘An bobel sans, An re dasprenys gans an Arloedh’; ha ty a vydh gelwys Hwilys, Sita Nag yw Forsakys.

Ysay 63:9

yn oll aga anken. Nyns o kannas nag el mes y lok ev a's sawyas. Yn y gerensa hag yn y druedh ev a's dasprenas; ev a's drehevis ha'ga doen oll an dydhyow koth.

Mika 7:15

Avel y'n dydhyow pan dheuthys yn-mes a brow Ejyp, my a dhiskwedh dhis taklow marthys.

Zekaria 10:11

I a wra tremena dre vor a ankres, ha gweskel an tonnow y'n mor hag oll downderyow an avon a vydh sygh. Goeth Assyria a vydh uvelhes, ha gwelenn Ejyp a dremen dhe-ves.