Ysay 51:1 - An Bibel Kernewek 20234 (Kernewek Kemmyn)

¹ Goslowewgh orthiv, hwi hag a jas war-lergh ewnder, hwi hag a hwila an Arloedh. Mirewgh orth an garrek may fewgh treghys dhiworti, hag orth an mengleudh may fewgh pelys dhiworto.

Ysay 51:1 ပူးပေါင်းရင်းမြစ်များ

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 15:4

mes pan dreylsons yn aga ahwer dhe'n Arloedh, Duw Ysrael, ha'y hwilas, kevys veu gansa.

Salmow 24:6

Hemm yw kenedhel an re a'n hwila, neb a hwila fas an Duw a Yakob. Sela.

Salmow 94:15

Rag gwirvreus a dhehwel dhe wiryonedh, hag oll an re ewnhynsek aga holonn a hol war hy lergh.

Lavarow Koth 15:9

Fordh an debeles yw tra gasadow dhe'n Arloedh, mes ev a gar neb a hol ewnder.

Lavarow Koth 21:21

Neb a hol ewnder ha tregeredh a gyv bewnans, ewnder hag enor.

Ysay 45:19

Ny gewsis vy yn-dann gel, yn tyller tewl a'n norvys. Ny leveris dhe agh Yakob, ‘Hwilewgh my yn euver.’ My, an Arloedh a gews an gwir; my a dheriv an pyth yw ewn.

Ysay 48:1

Klew hemma, A ji Yakob, hwi neb yw henwys orth hanow Ysrael, hag a dheuth dhiworth dowrow Yuda, hag a wra ti re hanow an Arloedh, ha gelwel war Dhuw Ysrael, mes ny'n gwrons yn gwiryonedh nag yn ewnder.

Ysay 48:12

Goslow orthiv, A Yakob, ha ty Ysrael, neb a elwis: my yw ev; my yw an kynsa, ha my yw an diwettha.

Ysay 51:4

Goslowewgh orthiv, ow fobel, hag attendyewgh orthiv, ow henedhel; rag lagha a yn-mes a-dhiworthiv, ha'm ewnder a vydh golow dhe'n kenedhlow.

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Ysay 55:6

Hwilewgh an Arloedh hedre vo dhe gavoes, gelwewgh warnodho hedre vo yn ogas;

Ysay 65:10

Sharon a vydh peurva rag deves, ha nans Aghor powesva rag flokkys, rag ow fobel neb a'm hwila.

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Matthew 5:6

‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Romanyon 10:3

Rag heb godhvos a ewnder Duw, hag ow hwilas sevel aga ewnder aga honan, nyns ens gostydh dhe ewnder Duw.

Romanyon 14:19

Holyn ytho taklow a gres ha'n taklow may trehav dredha an eyl y gila.

Filippianys 3:13

A vreder, ny amontyav my dhe synsi an gober ow honan. Mes unn dra a wrav: yth ankovav an taklow usi war ow lergh, hag yth ystynnav troha'n taklow usi a-dheragov,

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

2 Timothi 2:22

Gwra goheles ytho an drokhwansow a yowynkneth, mes siw ewnder, fydh, kerensa, kres gans an re a elow war an Arloedh yn-mes a golonn lan.

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.