Ysay 50:4 - An Bibel Kernewek 20234 (Kernewek Kemmyn)

⁴ An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 50:4 ပူးပေါင်းရင်းမြစ်များ

Job 4:4

Dha eryow re dhrehevis an den esa ow trebuchya, ha ty re fastyas an dhewlin dhifreth.

Salmow 119:147

My a sev kyns dydh-tardh ha kria; yn dha eryow y fydhyav.

Salmow 143:8

Gwra dhymm klewes dha dregeredh myttinweyth, rag ynnos jy y trestyav. Gwra dhymm godhvos an fordh y koedh dhymm kerdhes ynni, rag dhiso jy y trehavav ow enev.

Salmow 40:7

Ena y leveris, ‘Otta, devedhys ov; yn rol an lyver yw skrifys ahanav.’

Salmow 45:2

Tekka osta jy ages mebyon den; leun a ras yw dha dhiwweus, rakhenna Duw re'th vennigas bynitha.

Salmow 5:3

A Arloedh, y'n myttin ty a glew ow lev; y'n myttin my a orden ow fysadow orthis, ha goelyas.

Salmow 88:13

Mes my a gri dhis rag gweres, A Arloedh; hag y'n myttin y teu ow fysadow a-dheragos.

Lavarow Koth 12:25

Prederi yn kolonn gour a boes warnodho, mes ger da a'n lowenha.

Lavarow Koth 15:23

Gul gorthyp gwiw yw joy dhe wour, ha ger yn y dermyn, ass yw da!

Lavarow Koth 25:11

Ger kewsys a-dermyn yw haval dhe avalow a owr settys yn arghans.

Ysay 28:19

Peskweyth may tremen ev a'gas kemmer; myttin ha myttin y tremen, y'n jydh hag y'n nos. Konvedhes an derivas a vydh pur euth.

Ysay 28:9

‘Dhe biw y tysk ev skians? ha dhe biw y styr ev an messaj? An re didhenys dhiworth leth, an re diberthys dhiworth an dhiwvronn?

Ysay 35:5

Ena dewlagas an dhellyon a vydh igerys, ha diwskovarn an re vodhar a glew.

Ysay 40:29

Ev a re nerth dhe'n re wann, ha dhe neb na'n jeves galloes ev a voghha nerth.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Ysay 8:16

Kolm an dustuni, sel an dyskans yn mysk ow dyskyblon.

Yeremia 1:9

Ha'n Arloedh a ystynnas y leuv ha tochya ow ganow. Hag yn-medh an Arloedh dhymm, ‘Awotta, my re worras ow geryow y'th hanow.

Yeremia 31:25

Rag my re walghas an enev skwith, ha pub enev ahwerek my a dhaslenow.

Ezekiel 46:13

Ty a brovi oen a unn bloedh heb namm rag offrynn leskys dhe'n Arloedh pub dydh; pub myttin ty a'n provi.

Matthew 11:28

Dewgh dhymmo vy oll hwi yw skwithys ha beghys poes, ha my a re powes dhywgh.

Matthew 13:54

Ha wosa ev dhe dhos dh'y vro y honan, ev a's dyskas yn aga synaga, par mayth esa marth dhedha, hag yn-medhons, ‘A-ble kavas hemma an furneth ma ha'n oberow barthusek ma?

Matthew 22:46

Ha ny ylli denvyth leverel ger dhodho yn gorthyp, na ny vedhas denvyth a-dhia'n jydh na govynn orto namoy.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Luk 4:22

Hag yth esens i oll ow tustunia a-dro dhodho, ha marth a's tevo a'n geryow a ras a dheuth a'y anow, hag yn-medhons, ‘A nyns yw hemma mab Yosep?’

Yowann 7:46

An wesyon a worthybis, ‘Ny wrug denvyth bythkweth kewsel yndella, dell wra an den ma.’

Dewteronomi 18:17

Ha'n Arloedh a leveris dhymm ‘Da yw an pyth a gowssons.

Dewteronomi 18:18

My a dhrehav ragdha yn-mes a'ga breder profoes yw haval dhis. My a worr ow geryow yn y anow, hag ev a gews dhedha pup-tra a worhemmynnav.