Ysay 50:2 - An Bibel Kernewek 20234 (Kernewek Kemmyn)

² Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 50:2 ပူးပေါင်းရင်းမြစ်များ

Jenesis 18:14

Eus travyth re gales rag an Arloedh? Y'n termyn apoyntys, my a dhehwel dhis, y'n vlydhen a dheu, hag y fydh dhe Sara mab.’

2 Kroniklys 32:15

Lemmyn ytho na esewgh Hezekia dh'agas toella na'gas kammledya yndella. Na drestyewgh ynno, rag ny allas duw vytholl a genedhel bynag na ruvaneth bynag sawya y bobel a'm leuv na a leuv ow thasow. Pyseul dhe le y hwra agas Duw a'gas sawya hwi yn-mes a'm leuv!’

Salmow 106:9

Hag ev a geredhis an Mor Rudh, ha desyghys veu; ytho ev a's hembronkas der an downderyow kepar ha der an difeyth.

Salmow 107:33

Ev a wra dhe avonyow bos difeyth, ha dhe fentynyow dowr bos tir sygh.

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Eksodus 14:29

Mes mebyon Ysrael a gerdhas war dhor sygh yn mysk an mor, an dowrow ow pos fos dhedha a'ga dyghow hag a'ga kledh.

Eksodus 7:18

ha'n puskes y'n Nil a wra merwel, ha'n Nil a fler, ha ny vynnons an Ejyptianys eva dowr dhiworth an Nil.” ’

Eksodus 7:21

Ha puskes an Nil a verwis; ha'n Nil a fleryas, ma na ylli an Ejyptianys eva dowr dhiworth an Nil; hag yth esa goes dre bow Ejyp oll.

Lavarow Koth 1:24

Drefenn my dhe elwel, ha hwi re naghas, my re ystynnas ow leuv ha ny woslowas denvyth,

Ysay 11:15

An Arloedh a rann taves mor Ejyp; ev a wev y leuv war an avon gans nerth y wyns, ha'y gweskel yn seyth stredh rag may treusser yn sandalyow;

Ysay 19:5

Dowr dhiworth an mor a dhesygh, ha gweli an avon a vydh kras ha sygh.

Ysay 23:11

Ev re ystynnas y leuv war an mor, ev re shakyas gwlaskordhow. An Arloedh re erghis erbynn Kanan dhe dhistrui hy hastylli.

Ysay 36:20

Piw eus a oll duwow a'n tiryow ma neb a dhelivras aga thiryow yn-mes a'm leuv? Ytho fatell yll an Arloedh delivra Yerusalem yn-mes a'm leuv?” ’

Ysay 41:28

My a viras, mes nyns esa denvyth; yn mysk an re ma nyns eus kusulyer vyth, neb pan wovynnav, a re gorthyp.

Ysay 42:15

My a wra menydhyow ha breow difeyth, ha sygha aga erbys oll; my a dreyl an avonyow dhe ynysow, ha sygha an pollow.

Ysay 43:16

Yndellma y lever an Arloedh, a wra fordh y'n mor, hyns y'n dowrow meur,

Ysay 44:27

neb a lever dhe'n keynvor, ‘Bydh sygh! ha my a sygh agas avonyow’;

Ysay 51:10

A ny veu ty hag a syghas an mor, dowrow an keynvor; neb a wrug downder an mor fordh may tremenna an re dasprenys warnedhi?

Ysay 54:6

Rag an Arloedh re'th helwis, avel gwreg forsakys ha grevys yn spyrys, avel gwreg yowynkneth gour, pan yw hi tewlys dhe-ves, yn-medh dha Dhuw.

Ysay 59:1

Awotta, nyns yw leuv an Arloedh re verr dhe sawya, ha nyns yw y skovarn re boes dhe glewes.

Ysay 59:16

Ev a welas na veu denvyth, hag ev a'n jevo marth na veu denvyth dhe vos mayn; rakhenna y vregh a wrug selwyans ragdho, ha'y ewnder a'n sostenas.

Ysay 63:13

neb a wrug dhedha kerdhes der an downderyow? Avel margh y'n gwylvos, ny drebuchyons;

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Ysay 66:4

Ytho my ynwedh a dhewis tebeldhyghtyans ragdha, ha dri warnedha an taklow a berthons own anedha; rag pan elwis vy, denvyth ny worthybis, ha pan gewsis vy, ny glewsons; mes i a wrug an pyth yw drog y'm dewlagas, ha dewis an dra ny'm beu delit ynno.

Yeremia 14:9

Prag y fydhydh avel gour penndegys, avel gour galloesek na yll sawya? Mes yth esos yn agan mysk, A Arloedh, ha dha hanow re beu gelwys warnan; na wra agan gasa.

Yeremia 35:14

Geryow Yonadab mab Rekab a worhemmynnis dh'y vebyon, na effens gwin, re beu kowlwrys; ha ny evons byth bys y'n jydh ma, rag i re beu gostydh dhe worhemmynn aga thas. Mes my ow honan re gewsis orthowgh heb lett, ha ny woslewsowgh orthiv.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Yeremia 5:1

Gwandrewgh a-dro dre stretow Yerusalem, gwelewgh lemmyn, ha godhvydhewgh, ha hwilewgh yn hy flenys, mar kyllowgh kavoes gour, mars eus nebonan a wra breus, a hwila gwirder; ha my a's gav.

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Yeremia 7:27

Ytho ty a gews oll an geryow ma dhedha; mes ny wrons goslowes orthis: ty a elow dhedha; mes ny worthybons dhis.

Yeremia 8:6

My a woslowas ha klewes, mes ny gewsons yn ewn: ny goedhas denvyth yn edrek a'y dhrogedh, ow leverel, ‘Pandr'a wrug vy’? I oll a dreyl dh'aga resegva, par dell fysk margh sket dhe'n vatel.

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Daniel 3:29

[95] My a dhyllo gorhemmynn: pub pobel, pub kenedhel ha pub taves neb a gews erbynn Duw Shadrak, Meshak hag Abednego, a vydh hakkys dhe demmyn, ha'y ji a vydh treylys dhe vern teyl; rag nyns eus Duw nahen neb a yll delivra yndellna.’

Daniel 6:20

Pan dheuth nes dhe'n fow, ev a armas dhe Daniel gans lev troblys, ha leverel dhe Daniel, ‘A Daniel, gwas an Duw bew, a allas dha Dhuw, neb a servydh prest, dha dhelivra a'n lewyon?’

Daniel 6:27

Delivra ha sawya a wra, ev a wra toknys hag anethow yn nev hag yn nor; ev re sawyas Daniel dhiworth galloes an lewyon.’

Hosea 11:2

Dhe voy y hwrugavy aga gelwel, dhe bella yth ethons dhiworthiv, ow sakrifia dhe Baalim, hag ow leski offrynnow dhe imajys.

Hosea 11:7

Ow fobel yw ervirys dhe dreylya ahanav vy. I a elow war-vann, mes ny wra ev aga ughelhe.

Nahum 1:4

Ev a geredh an mor ha'y sygha, ha desygha an avonyow oll. Bashan ha Karmel a wedher ha bleujenn Lebanon a wedher.

Habakkuk 3:8

A wrug dha sorr dewi erbynn an avonyow, A Arloedh, yw dha goler erbynn an avonyow po dha gonnar erbynn an mor, may farghogydh war dha vergh, dha jarettow a selwyans?

Niverow 11:23

Ha'n Arloedh a leveris dhe Moyses, ‘Yw dorn an Arloedh re verr? Lemmyn ty a welvydh mar teu ow ger dhe wiryonedh ragos po na.’

Mark 4:39

Hag ev a sevis, ha keredhi an gwyns, hag a leveris dhe'n mor ‘Taw, spavennha!’ Ha'n gwyns a hedhis, hag yth esa kalmynsi meur.

Yowann 1:11

Ev a dheuth dh'y byth y honan, ha ny'n degemmeras y dus y honan.

Yowann 3:19

Ha hemm yw an vreus: golow re dheuth y'n bys, ha'n dus a garas an tewlder moy es an golow, rag bos drog aga oberow.

Yoshua 3:16

an dowrow esa ow tos yn-nans a-wartha a sevis stag; i a omdhrehevis yn graghell mar bell avel Adam, an sita usi ryb Sarethan; ha'n dowr esa ow mos troha Mor an Araba, Mor an Hoelan, a veu stoppys yn tien. Ytho an bobel a dreusis a-dal Yeriko.