Ysay 5:8 - An Bibel Kernewek 20234 (Kernewek Kemmyn)

⁸ Go-i a jun chi dhe ji, ha keworra park dhe bark, bys pan na vo tyller gesys, ha nyns eus gesys marnas hwi dhe driga yn kres an wlas.

Ysay 5:8 ပူးပေါင်းရင်းမြစ်များ

Job 15:28

ev a vydh trigys yn sitys ynyal, hag yn chiow ma na drig denvyth ynna, hag a verr spys y fydhons magoryow.

Job 20:21

Nyns eus travyth gesys ragdho dh'y dhybri; rakhenna ny dhur y sewena.

Lavarow Koth 15:27

Neb yw kraf war-lergh gwayn anewn a wra trobel rag y deylu, mes neb a gas falswobrow a vew.

Ezekiel 11:15

Mab den, dha vreder, dha vreder, dha neskerens, hag oll chi Ysrael yn tien, i yw an re may leveris trigoryon Yerusalem dhedha, ‘Pell yns i dhiworth an Arloedh! An tir ma yw res dhyn yn perghennogeth.’

Ezekiel 33:24

Mab den, an re trigys y'n magoryow na yn pow Ysrael a lever, ‘Abraham o onan hag ev a eritas an tir, mes ni yw lies, dhyn ni re beu an tir res avel eretons.’

Amos 1:13

Yndellma y lever an Arloedh: Rag tri hammweythres a vebyon Ammon, ha rag peswar, ny wrav vy hepkorr an kessydhyans; drefenn i dhe skwardya gwragedh gans flogh yn Gilead, mayth efannens aga amal.

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Habakkuk 2:6

A ny wra oll an re na drehevel parabolenn er y bynn, ha henlavarow rag y skornya, ow leverel, ‘Go-ev neb a guntell war-barth pythow nag eus dhodho ev; (pes termyn y hwra henna pesya?) Beghys yw gans arwoestlow.’

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.