Ysay 5:28 - An Bibel Kernewek 20234 (Kernewek Kemmyn)

²⁸ Y sethow yw lymmys hag oll y waregow yw plegys; karnow y vergh yw reknys avel kellester, ha'y rosow avel an korwyns.

Ysay 5:28 ပူးပေါင်းရင်းမြစ်များ

Salmow 120:4

Sethow lymm an breselyas, gans kolennow bew a'n banadhel.

Salmow 45:5

Lymm yw dha sethow yn kolonn eskerens an myghtern; poblow a goedh yn-dannos.

Ysay 13:18

Aga gwaregow a vrew gwer yowynk; ny gemmerons truedh a frut an brys; ny vir aga lagas gans piteth war fleghes.

Ysay 21:1

Profoesans a-dro dhe wylvos an mor. Kepar dell dremen hwaffys awelyow y'n Negeb, ev a dheu dhiworth an gwylvos, dhiworth tir euthyk.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Yeremia 47:3

Orth tros stankya karnow y vergh krev, orth klattrans y jarettow, orth grommyans aga rosow, ny dreyl an tasow dhe sawya aga fleghes, mar wann yw aga diwleuv,

Yeremia 5:16

Aga goen-sethow yw avel bedh igor, kasoryon alloesek yns pub huni.

Ezekiel 26:11

Gans karnow y vergh ev a drett oll dha stretys; ev a ladh dha bobel gans an kledha, ha'th kolovenyow krev a goedh dhe'n dor.

Ezekiel 38:9

Ty a yskynn, ow tos yn-rag avel annawel, kepar ha kommolenn ow kudha an tir, ty ha'th luyow, ha genes poblow pals.

Daniel 11:40

‘Orth prys an diwedh, y hwra myghtern an dhyghowbarth omsett er y bynn; mes myghtern an gledhbarth a dheu er y bynn avel korwyns, gans charettow, ha gans marghogyon, ha gans lies gorhel. Ev a enter yn tiryow, ha tremena avel liv.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.

Nahum 3:2

Son an hwypp, ha son klattra an rosow; mergh ow poenya, ha charettow ow lamma;

Breusysi 5:22

‘Ytho yn ughel y hweskis karnow an vergh gans an peswarlemmel, peswarlemmel an stedys krev.