Ysay 5:27 - An Bibel Kernewek 20234 (Kernewek Kemmyn)

²⁷ Nyns yw nagonan skwith, nagonan ny drebuch ynna, nagonan ny hun, nagonan ny gosk, nyns yw grogys diwglun denvyth lows, kroen sandal ny vydh terrys.

Ysay 5:27 ပူးပေါင်းရင်းမြစ်များ

1 Myghternedh 2:5

‘Kekeffrys ty a woer an pyth a wrug Yoab mab Seruya dhymm, ha'n pyth a wrug ev dhe'n dhew gapten a luyow Ysrael, dhe Abner mab Ner, ha dhe Amasa mab Yether; ev a's ladhas, ha skoellya an goes a vresel yn termyn kres, ow korra an goes a vresel war an grogys esa a-dro dh'y dhiwglun, ha war y eskisyow esa war y dhewdroes.

Job 12:18

Ev a lews kargharow myghternedh, ha kelmi kyngel a-dro dh'aga diwglun.

Job 12:21

Ev a dhinwa bismer war bennsevigyon, ha lewsel grogys an re yw krev.

Salmow 18:32

an Duw neb a worr grogys a nerth a-dro dhymm, hag ev re wrug ow fordh divlam.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Lavarow Koth 3:23

Ena ty a gerdh war dha fordh yn sawder, ha ny drebuch dha droes.

Ysay 11:5

Ewnder a vydh grogys y dhiwglun, ha lenduri grogys y gres.

Ysay 45:1

Yndellma y lever an Arloedh dh'y untys, dhe Kyrus, neb a synsis vy er y leuv dhyghow, rag fetha kenedhlow a-ragdho, ha dhe dhigelmi diwglun myghternedh, dhe igeri darasow a-ragdho, ha ny vydh yetys deges:

Ysay 45:5

My yw an Arloedh, ha nyns eus ken; a-der my nyns eus duw; my a'th arv, kyn na'm aswonnsys,

Daniel 5:6

Ena liw an myghtern a dreylyas, y brederow a'n troblas, mellow y dhiwglun a omlowsyas, ha'y dhewlin a gnoukyas an eyl orth y gila.

Matthew 3:4

Ha dhe Yowann yth esa gwisk gwrys a vlew kowrvargh gans grogys a groghen a-dro dh'y dhiwglun, ha'y voes o lokustes ha mel gwyls.

Dewteronomi 32:25

A-ves, an kledha a wra dhe dus bos anvap, hag a-ji, yma euth rag gour yowynk ha gwyrghes, an flogh ow tena, gans an gour a vlew loes.