Ysay 5:25 - An Bibel Kernewek 20234 (Kernewek Kemmyn)

²⁵ Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 5:25 ပူးပေါင်းရင်းမြစ်များ

1 Myghternedh 14:11

An keun a dheber an re a deylu Yeroboam a verow y'n sita; hag ydhyn an ayr a dheber an re a verow y'n pow; rag an Arloedh re gewsis.”

1 Myghternedh 16:4

An keun a dheber neb a verow a ji Baasha y'n sita; ha neb a verow y'n gwelyow ydhyn a'n ayr a's deber.’

1 Myghternedh 21:24

Neb a verow a deylu Ahab y'n sita an keun a dheber; ha neb a verow y'n pow ydhyn an ebron a dheber.’

2 Myghternedh 13:3

Sorr an Arloedh a dhewis erbynn Ysrael, hag ev a's delivras a-berth yn leuv Hazael myghtern Aram, hag a-berth yn leuv Ben-hadad mab Hazael, dres nebes blydhynyow.

2 Myghternedh 9:37

korf Yezebel a vydh kepar ha kawgh war enep an gwel yn tiredh Yezreel, ma na yllir leverel, Yezebel yw homma.” ’

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Job 9:13

‘Ny wra Duw kildenna y sorr; yn-danno yth ombleg gweresoryon Rahab.

Salmow 106:40

Rakhenna sorr an Arloedh a dhewis erbynn y bobel, hag ev a aborryas y ertach y honan.

Salmow 114:7

Kren, A dhor, a-dherag an Arloedh, a-dherag Duw Yakob,

Salmow 18:7

Ena an nor a grenas ha kryghylli; ha selyow an menydhyow a grysyas ha krena, rag y vos serrys.

Salmow 68:8

an nor a grenas, an nevow ynwedh a dheveras a-dherag Duw; ha Sinay y honan a dhegrenas a-dherag Duw, Duw Ysrael.

Salmow 77:18

Lev dha daran esa y'n korwyns; an lughes a wolowis an norvys; an nor a dhegrenas ha krysya.

Salmow 78:38

Mes ev, leun a druedh, a avas aga hammweyth ha ny's distruis. Ha lieskweyth ev a dreylyas dhe-ves y sorr ha ny wrug dhe oll y gonnar difuna.

Salmow 83:10

neb a verwis yn Endor, ha dos ha bos avel teyl rag an dor.

Eksodus 7:19

An Arloedh a leveris dhe Moyses, ‘Lavar dhe Aron, “Kemmer dha welenn hag ystynn dha dhorn dres dowrow Ejyp, dres aga avonyow, aga dowrgleudhyow, aga follow kors hag oll aga follow dowr, may teffons ha bos goes; hag y fydh goes dre bow Ejyp oll, hag yn lestri a brenn hag yn lestri a ven.” ’

Ysay 10:4

ma na blattyowgh yn mysk an brisnoryon, na koedha yn mysk an re ledhys? Yn despit dhe oll hemma ny dreylyas y sorr, ha'y leuv yw hwath ystynnys.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 14:19

mes ty, ty yw tewlys yn-mes, a-ves dhe'th vedh, avel barrenn gasadow, kudhys gans an re ledhys, an re gwenys gans an kledha, neb a dhiyskynn dhe veyn an pytt avel korf trettys yn-dann dreys.

Ysay 23:11

Ev re ystynnas y leuv war an mor, ev re shakyas gwlaskordhow. An Arloedh re erghis erbynn Kanan dhe dhistrui hy hastylli.

Ysay 25:11

Ev a les y dhiwla ynni avel neuvyer pan neuv. Y woeth a sedh, yn despit dhe wayans y dhiwleuv.

Ysay 29:2

Mes stroetha Ariel my a wra, hag y fydh oelva ha kynvann, ha hi a vydh dhymmo vy avel oeles alter.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Ysay 51:20

Dha vebyon re glamderas, i re wrowedhas orth penn pub stret avel gavrewik yn roes; leun yns a gonnar an Arloedh, keredh dha Dhuw.

Ysay 64:3

Pan wrussys taklow euthyk na waytsyn, ty a dheuth yn-nans, ha'n menydhyow a grysyas a-ragos.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Ysay 66:24

Hag i a wra mos yn-mes ha mires orth korfow an dus a rebellyas er ow fynn, rag ny verow aga fryv ha'ga than ny vydh difeudhys, hag y fydhons kasadow dhe bub kig oll.

Ysay 9:11

Ytho an Arloedh a dhrehevis envi er aga fynn, ha provokya aga eskerens,

Ysay 9:16

An re a led an bobel ma y's gwrons dhe wandra, ha'n re ledys yw sowdhenys.

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:20

A-dhyghow den a dhevor ha hwath nownek vydh; a-gledh den a dheber ha ny vydh gwalghys. Pubonan a dheber kig y gentrevek.

Ysay 9:21

Manasse erbynn Efraym, hag Efraym erbynn Manasse; war-barth y fydhons erbynn Yuda. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 15:3

Ha my a wra ordena warnedha peswar eghenn a derroes, yn-medh an Arloedh: an kledha dhe ladha, ha'n keun dhe skwardya, hag ydhyn an nev, ha bestes an nor, dhe dhevorya ha dhe dhistrui.

Yeremia 16:4

I a verow a glevesow marwel; ny vydh kynvann ragdha, na ny vydhons ynkleudhys; mes i a vydh avel teyl war enep an dor. Hag i a vydh distruys gans an kledha, ha gans divoetter; ha'ga horfow a vydh karyn rag ydhyn an nev ha bestes an nor.

Yeremia 17:4

Ha ty a lews dha leuv dhiworth dha eretons a res dhis; ha my a'th wra dhe servya dha eskerens y'n tir na aswonnydh: rag an tan re enowsowgh y'm sorr, a lesk bys vykken.

Yeremia 4:24

My a viras war an menydhyow, hag, otta yth esens ow krena, hag yth esa an breow oll kryghyllys.

Yeremia 4:8

Rakhenna omwrogysewgh gans yskar, kynewgh hag oulyewgh: ‘Ny dreylyas ahanan sorr fers an Arloedh.’

Yeremia 6:12

Aga chiow a dremen dhe re erell, parkow ha gwragedh maga ta: rag my a ystynn ow leuv war drigoryon an tir, yn-medh an Arloedh.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Yeremia 9:22

Kows, Yndellma y lever an Arloedh: ‘Hwath korfow tus a wra koedha avel teyl war an mes, avel an dhramm war-lergh an myser, ha nagonan ny's kuntell.’

Kynvannow 5:22

po a wruss'ta devri agan denagha yn tien? A wruss'ta serri orthyn dres musur?

Ezekiel 15:6

Rakhenna yndellma y lever an Arloedh Duw: Kepar ha prenn an gwinbrenn yn mysk gwydh an goeswik, a res vy dhe'n tan rag keunys, yndella my a re trigoryon Yerusalem.

Ezekiel 30:25

My a grevha breghow myghtern Babylon, mes breghow Faro a goedh. Ena i a woer my dhe vos an Arloedh, pan worrav ow kledha yn leuv myghtern Babylon, hag ev a'n ystynn erbynn pow Ejyp.

Ezekiel 6:14

My a ystynn ow leuv warnedha ha gul an tir ynyal, dhiworth an difeyth bys Dibla, yn oll aga thrigvaow. Ena i a woer my dhe vos an Arloedh.

Daniel 9:16

A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Amos 8:8

A ny gren an tir rakhemma ha myns eus trigys ynno kyni? Oll an tir a sev kepar ha'n Nil, ha frosa ha koedha arta kepar ha'n Nil yn Ejyp.

Mika 1:4

Ha'n menydhyow a wra teudhi yn-danno ha'n nansow a vydh folsys, avel koer a-rag an tan, avel dowrow diverys war leder serth.

Nahum 1:5

An menydhyow a dhegren a-ragdho, ha'n bronnow a deudh: an dor yw difeythys a-ragdho, an norvys ha myns eus trigys ynno.

Habakkuk 3:10

An menydhyow a'th welas hag i a grenas; liv a dhowrow a dremenas; an islonk a dhellos y lev ha drehevel y dhiwleuv yn-bann.

Sefania 1:17

Ha my a dhre anken dhe'n dus may kerdhons kepar ha dellyon, rag i dhe begha erbynn an Arloedh: ha skoellys vydh aga goes kepar ha doust, ha'ga hig kepar ha kawgh.

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”

Dewteronomi 31:18

My a gudh ow fas sertan y'n jydh na, drefenn oll an drog re wrussons, ow treylya dhe dhuwow erell.

1 Thessalonianys 2:16

orth agan lettya a gewsel orth an Jentilys may fens i selwys, may hwrellens kollenwel aga feghosow pup-prys. Mes an sorr a dheuth warnedha wortiwedh.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.