Ysay 5:24 - An Bibel Kernewek 20234 (Kernewek Kemmyn)

²⁴ Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 5:24 ပူးပေါင်းရင်းမြစ်များ

Ysay 30:12

Rakhenna yndellma y lever Sans Ysrael: Drefenn hwi dhe dhenagha an ger ma, ha trestya yn arwask ha toell, ha kregi warnedha;

Job 18:16

Y wreydh yw desyghys yn-danno, ha'y skorr a wedher a-ughto.

Luk 3:17

Yma y wynsell yn y dhorn, hag ev a burj y leur-drushya, ha kuntell an ys yn y skiber, mes an kulyn ev a lesk gans tan na yllir y dhifeudhi.’

Yoel 2:5

Kepar ha gans tros charettow, lemmel a wrons war bennow an menydhyow, avel tros flamm tan ow tevorya an sowl, avel pobel grev arayys rag kas.

Ysay 47:14

Mir, avel sowl yth yns, an tan a's lesk; ny's teves omdhelivra dhiworth nerth an flamm. Nyns yw hemma glow rag omdoemma, na tan mayth esedhir a-ragdho.

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Eksodus 15:7

Yn braster dha veuredh ty a dewl dhe'n dor neb a sev er dha bynn; ty a dhannvon yn-rag dha sorr hag a's devor avel sowl.

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

Oberow 13:41

“Mirewgh, hwi neb a wra ges, kemmerewgh marth, ha kewgh dhe goll, rag yn agas dydhyow my a wra ober, ober kammenn na grysowgh mara'n deriv nebonan dhywgh.” ’

Yowann 12:48

Ev neb a'm nagh, ha na dhegemmer ow geryow, yma dhodho nebonan a wra y vreusi; an ger a gewsis vy, henna a wra y vreusi dydh fin.

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Luk 7:30

Mes an Fariseow ha'n laghysi a skonyas towl Duw ragdha, hag i heb bos besydhys ganso.

Matthew 3:12

Yn y leuv yma an gwynsell, hag ev a lanha yn tien y leur-drushya ha kuntell y waneth dhe'n skiber, mes an us ev a'n lesk gans tan na yllir y dhifeudhi.’

Malaki 4:1

Rag otta, an jydh yma ow tos, ow tewi avel forn. Oll an dus orgelus ha pub drogoberer a vydh sowl, ha'n jydh usi ow tos a wra aga howlleski, yn-medh Arloedh an luyow, na as dhedha naneyl gwreydhenn na skorrenn.

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Amos 2:9

Byttegyns my a dhistruis an Amoryas a-dheragdha may feu y ughelder kepar hag ughelder an kederwydh, hag ev maga krev avel derow; distrui a wrug vy y frut a-vann ha'y wreydh a-woeles.

Hosea 9:16

Efraym yw gweskys, aga gwreydhenn yw sygh; ny askorrons frut. Ynwedh mar tineythons, my a ladh an fleghes karadow a'ga thorr.

Hosea 5:12

Rakhenna my a vydh avel gwennen worek dhe Efraym, hag avel podredhes dhe ji Yuda.

Yeremia 8:9

Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Ysay 8:6

Drefenn an bobel ma dhe nagha dowrow Shiloagh, usi ow mos yn kosel, ha teudhi yn own a Resin mab Remalia;

Salmow 50:17

Rag ty a gas dyskybleth, ha tewlel ow lavarow war dha lergh.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

1 Samuel 15:26

Samuel a leveris dhe Sowl, ‘Ny vynnav dehweles genes; drefenn ty dhe skonya ger an Arloedh, ha'n Arloedh re'th skonyas a vones myghtern war Ysrael.’

1 Samuel 15:23

Rag rebellyans yw avel pegh dewinieth, ha gorthter yw kepar ha kammweyth ha gordhyans idolys. Drefenn ty dhe skonya ger an Arloedh, ev ynwedh re'th skonyas a vones myghtern.’

2 Myghternedh 19:22

‘Piw a skornsys ha milliga? Piw yth trehevsys dha lev er y bynn ha drehevel dha dhewlagas yn woethus? Erbynn an Sans a Ysrael!

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 1:31

An den krev a vydh avel garrow lin, ha'y ober avel gwryghonenn; aga dew a lesk war-barth heb denvyth dh'aga difeudhi.

Ysay 7:9

Penn Efraym yw Samaria, ha penn Samaria yw mab Remalia. Mar ny gryssowgh ena ny vydhowgh fastys.

Ysay 9:18

Ytho kammhynseth a lesk avel tan, ow tevorya spedhas ha spern, ha leski prysk an koes, ha troyllya yn-bann yn koloven mog.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Ysay 24:6

Rakhenna molleth a dhevor an nor, ha'y annedhysi a berth aga hessydhyans. Rakhenna lehes yw annedhysi an nor, ha nebes yw gesys.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Hosea 11:9

Ny gowlwrav ow honnar fell; ny dhehwelav dhe dhistrui Efraym: rag Duw ov vy a-der gour; an Sans yn agas mysk, ha ny dhov vy yn sorr.

Eksodus 5:12

Ytho an dus a veu skattrys a-les dre bow Ejyp oll, ow kuntell sowl rag kala.

Dewteronomi 28:24

An Arloedh a dreyl glaw dha dir dhe bolter ha doust; dhiworth an ebron y tiyskynn warnas bys pan vydhydh distruys.

Job 8:17

Y wreydh yw plethys a-dro dhe'n karnedh; hag i a hwila tyller yn mysk an karregi.

Ezekiel 15:6

Rakhenna yndellma y lever an Arloedh Duw: Kepar ha prenn an gwinbrenn yn mysk gwydh an goeswik, a res vy dhe'n tan rag keunys, yndella my a re trigoryon Yerusalem.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.