Ysay 5:23 - An Bibel Kernewek 20234 (Kernewek Kemmyn)

²³ neb a dhelirv an kablus dhe wari rag falswober, ha kemmeres ewnder dhe-ves dhiworth an dus wiryon.

Ysay 5:23 ပူးပေါင်းရင်းမြစ်များ

1 Myghternedh 21:13

An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

2 Kroniklys 19:7

Yndella bedhes own an Arloedh warnowgh; attendyewgh an pyth a wrewgh, rag nyns eus anewnder gans an Arloedh agan Duw, na faverans, na kemmeres falswobrow.’

Salmow 94:21

I a omguntell war-barth erbynn enev an den gwiryon, ha dampnya an goes glan.

Lavarow Koth 17:15

Neb a akwit an tebelwas ha neb a dhampen an den gwiryon, aga dew yw tra gasadow dhe'n Arloedh.

Lavarow Koth 17:23

Tebelwas a dhegemmer falswober a'n askra, rag kammdreylya hynsyow gwirvreus.

Lavarow Koth 24:24

Neb a lever dhe'n den kablus, ‘Ankablus os’, a vydh milligys gans poblow, kuhudhys gans an kenedhlow.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 10:1

Go-i neb a wra ordenansow kammhynsek, ha'n skriforyon neb a skrif laghys anewn,

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 28:7

An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.

Ysay 29:21

an re a dhampen den der er, ha gorra maglenn rag an darsiwyas y'n yet, ha treylya breus an den gwiryon gans fals dhustuni.

Ysay 32:7

Sherewynsi an sherewa yw drog; ev a dewl towlow dhe dhiswul an voghosogyon gans lavarow gowek, hwath pan vo klem an edhommek gwir.

Ysay 59:15

Gwirder a fyll, ha neb a dreyl dhiworth drog yw kemmerys avel preydh. An Arloedh a welas hag a veu displesys drefenn na veu gwirvreus.

Amos 5:12

Rag my a woer agas kammweythresow pals, ha'gas peghosow bras, owth arvedh an den gwiryon, ow kemmeres falswober, hag ow treylya a-denewen an edhommogyon y'n yet.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

Jamys 5:6

Hwi re dhampnyas ha ladha an den gwiryon; ny sev ev orthowgh.