Ysay 5:21 - An Bibel Kernewek 20234 (Kernewek Kemmyn)

²¹ Go-i neb yw skentel yn aga dewlagas aga honan, ha konnyk yn aga golok aga honan.

Ysay 5:21 ပူးပေါင်းရင်းမြစ်များ

Job 11:12

Mes gour gokki a gyv konvedhes, pan yw ebel asen gwyls dineythys avel den!

Lavarow Koth 26:12

A welydh gour neb yw fur yn y dhewlagas y honan? Yma moy govenek rag foll ages dell eus ragdho.

Lavarow Koth 26:16

An den diek yw furra yn y dhewlagas y honan ages seyth den a worthyp gans doethter.

Lavarow Koth 3:7

Na vydh fur y'th tewlagas dha honan; porth own a'n Arloedh, ha treyl dhiworth drog.

Ysay 10:13

Rag yn-medh ev, ‘Dre nerth ow leuv re'n gwrug vy, ha der ow furneth, rag bos genev konvedhes. My re removas oryon poblow, ha ravna aga thresorvaow, ha dri rewloryon dhe'n dor avel kasor nerthek.

Ysay 37:23

Piw a wrussys y skonya ha'y gabla, ha piw y trehevsys dha lev er y bynn, ha drehevel dha dhewlagas yn-bann? Erbynn Sans Ysrael!

Ysay 40:23

Ev a dhre pennternedh dhe vos mann; ha gul breusysi an bys gwakter.

Ysay 47:10

Ty a omglewo saw y'th troktra; ty a leveris, ‘Ny'm gwel denvyth.’ Dha skians ha'th aswonnvos a'th toellas, ha ty a leveris y'th kolonn, ‘My! Nyns eus ken onan a-der my.’

Yowann 9:41

Yesu a leveris dhedha, ‘Mar pewgh dall, ny via dhywgh pegh; mes lemmyn hwi a lever, “Ni a wel”, ytho agas pegh a bes.’

Romanyon 1:22

Owth omwul fur, gyllys foll ens,

Romanyon 11:25

Rag ny vynnav hwi dhe vos heb godhvos, a vreder, a'n kevrin ma, ma na vewgh ynnowgh hwi agas honan fur: kalesenn dhe vos devedhys yn rann war Ysrael, bys pan dheffo a-ji an myns kowal a'n kenedhlow,

Romanyon 12:16

bedhewgh yn akord an eyl gans y gila; heb gul vri a'n taklow ughel, mes dhe'n re uvel ow plegya; na vedhewgh goethus.