Ysay 5:17 - An Bibel Kernewek 20234 (Kernewek Kemmyn)

¹⁷ Ena eyn a beur kepar hag yn aga feurva, hag enyvales peskys ha mynnow a dheber yn mysk an magoryow.

Ysay 5:17 ပူးပေါင်းရင်းမြစ်များ

Nehemia 9:37

Drefenn ni dhe begha, y drevas rych a dhe'n myghternedh re worrsys warnan; ynwedh i a's teves galloes war agan korf, ha'gan bestes, herwydh aga bodh, ha ni yw yn ahwer bras.’

Salmow 119:70

Maga tew avel an blonek yw aga holonn, mes my a lowenha y'th lagha.

Salmow 17:10

I a vayl aga holonn gans blonek; gans aga ganow i a gews yn hwoethus.

Salmow 17:14

Dhiworth tus, dre dha leuv, A Arloedh, dhiworth tus an bys ma. Re gaffons aga rann y'n bewnans ma, ha bedhes aga thorr lenwys a'th kessydhyans kudh. Bedhes aga mebyon lenwys, ha gasens remenant an kessydhyans dh'aga fleghigyow.

Salmow 73:7

Aga dewlagas a hwedh gans tewder; i a's teves moy ages konsayts aga holonn.

Ysay 1:7

Agas tir yw ynyal, agas sitys leskys gans tan; yn agas lok estrenyon a dhevor agas tir, hag ynyal yw, kepar dell ve domhwelys gans estrenyon.

Ysay 10:16

Rakhenna an Arloedh, Arloedh an luyow, a dhannvon kleves gwastyans yn mysk y gasoryon gorfek, hag yn-dann y wolewder loskvann a vydh enowys avel an losk a dan.

Ysay 17:2

Sitys Aroer a vydh forsakys, hag i a vydh rag flokkys a wrowedh ha denvyth ny wra dhedha perthi own.

Ysay 32:14

Rag an kastell a vydh forsakys, tervans an sita a dhifyk; Ofel ha'n tour-goelyas a vydh grugek bys vykken, lowena dhe asenes gwyls, peurva dhe flokkys,

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 65:10

Sharon a vydh peurva rag deves, ha nans Aghor powesva rag flokkys, rag ow fobel neb a'm hwila.

Ysay 7:25

Oll an brennow o kravellys gans kravell, ny edh ena rag own a spedhas ha spern; y fydhons tylleryow mayth yw chatel dannvenys dhe wari, ha trettys gans deves.

Yeremia 5:28

Tevys tew yns, ha korfek. Nyns eus finweth dh'aga drog wriansow; ny vreusons gans gwirvreus ken an omdhivas, may sewenno; ha gwir an edhommogyon ny vreusons.

Kynvannow 5:2

Agan ertach re beu treylys dhe estrenyon, agan chiow dhe alyons.

Hosea 4:16

Ytho Ysrael yw gorth avel lejek penn-kales. Lemmyn an Arloedh a's bugel avel oen yn pras efan.

Hosea 8:7

I re hasas an gwyns, ha mysi an korwyns. Garrow an ys ny's teves penn; ny wra bleus. Mar kwrello greun, ena estrenyon a wra y lenki.

Mika 2:12

My a'th kuntell, A Yakob, oll yn tien, my a guntell remenant Ysrael; my a's gorr war-barth avel deves Bosra, avel flokk yn kres y beurva; dasseni a wra gans tus.

Sefania 2:14

Ha greow a wrowedh y'n kres anedhi, oll bestes an kenedhlow: an oula kornek ha'n klabytter a annedh yn pennow hy filars; aga lev a gan y'n fenestri; diswrians a vydh y'n treudhowyow: rag ev a lommha an parosweyth keder.

Sefania 2:6

Ha'n arvor a vydh peurvaow, prasow bugeledh, ha korlannow rag greow.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Dewteronomi 28:33

Pobel na aswonnsys a dheber frut dha dir hag oll askorr dha lavur, ha ny vydhydh saw arweskys ha tebeldhyghtys oll dha dhydhyow.

Dewteronomi 32:15

Yakob a dhybris hag a veu gwalghys, Yeshurun a dheuth ha bos tew hag a botyas; ty a dheuth ha bos tew ha berrik, ha bos gorth; ev a forsakyas Duw neb a'n gwrug, ha despitya Karrek y selwyans.