Ysay 5:16 - An Bibel Kernewek 20234 (Kernewek Kemmyn)

¹⁶ Mes Arloedh an luyow a vydh ughelhes yn gwirvreus, ha'n Duw sans a vydh sanshes yn ewnder.

Ysay 5:16 ပူးပေါင်းရင်းမြစ်များ

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Salmow 21:13

Bydh ughelhes, A Arloedh, y'th nerth! Ni a gan hag a wormel dha alloes.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Ysay 12:4

Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 2:17

Ena goeth den a vydh uvelhes, ha balghder tus a vydh iselhes; an Arloedh unnsel a vydh ughelhes y'n jydh na.

Ysay 2:9

Den yw uvelhes, ha gour yw iselhes – na wra gava dhedha.

Ysay 28:17

My a wra dhe wirvreus bos kordenn-vusura, ha dhe ewnder bos plemmik; keser a skub dhe-ves an skovva a wowyow, ha dowrow a liv dres an gudhva.

Ysay 29:23

rag pan wel y fleghes, ober ow diwla, a-ji dhodho, i a sansha ow hanow, ha sanshe Sans Yakob, ha perthi own a Dhuw Ysrael.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 33:10

‘Lemmyn my a sev’, yn-medh an Arloedh, ‘lemmyn my a vydh ughelhes, lemmyn my a vydh eksaltys.

Ysay 33:5

An Arloedh yw ughelhes, trigys y'n ughelder; ev a lenow Sion a wirvreus hag ewnder.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ysay 61:8

Rag my, an Arloedh, a gar gwirvreus, ha kasa ladrans dre sherewynsi, my a attal dhedha y'm lenduri, ha gul kevambos bys vykken gansa.

Ysay 8:13

Hwi a sansha Arloedh an luyow, ev yw agas euth, hag ev yw neb a'gas ownekha,

Ezekiel 20:41

Kepar ha sawer plegadow my a'gas degemmer, pan y'gas drov yn-mes dhiworth an poblow, ha'gas kuntelles yn-mes a'n tiryow may fewgh skattrys ynna; ha my a vydh sanshes ynnowgh a-wel dhe'n kenedhlow.

Ezekiel 28:22

ha lavar, Yndellma y lever an Arloedh Duw: Otta, yth esov er dha bynn, A Sidon, ha my a vydh enorys a-berth ynnos. I a woer my dhe vos an Arloedh pan wrav breusow ynni, ha my a vydh sanshes ynni.

Ezekiel 28:25

Yndellma y lever an Arloedh Duw: Pan guntellav chi Ysrael dhiworth an poblow le mayth esens skattrys, my a vydh sanshes ynna yn golok an kenedhlow. Ena i a drig war aga thiredh aga honan, a res vy dhe'm gwas Yakob.

Ezekiel 36:23

My a sansha ow hanow meur, re beu disakrys yn mysk an kenedhlow, hag a wrussowgh y disakra yn aga mysk. Ena an kenedhlow a woer my dhe vos an Arloedh, yn-medh an Arloedh Duw, pan vydhav sanshes dredhowgh a-rag aga dewlagas.

Ezekiel 38:16

Ty a yskynn erbynn ow fobel Ysrael kepar ha kommolenn dhe gudha an tir. Y'n dydhyow diwettha my a'th tro erbynn ow thir, rag may hwrello an kenedhlow ow aswonn, pan vydhav sanshes dredhowgh, A Gog, a-rag aga dewlagas.

Ezekiel 38:23

My a dhiskwedh ow meuredh ha'm sansoleth a-rag dewlagas lies kenedhel. Ena i a woer my dhe vos an Arloedh.

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Niverow 20:13

An re ma yw dowrow Meriba, le may kenkias mebyon Ysrael gans an Arloedh, ha dredha ev a brovas y vos sans.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

1 Peder 1:16

rag skrifys yw, ‘Sans vydhowgh hwi, rag my yw sans.’

1 Peder 2:15

Rag yndella yw bodh Duw, may hyllowgh hwi, ow kul da, konkludya fowt skians tus wokki.

1 Peder 3:15

mes sanshewgh an Arloedh Krist yn agas kolonn. Bedhewgh parys pup-prys dhe wul defens dhe bub den a wovynn orthowgh a-dro dhe'n govenek usi ynnowgh,

Diskwedhyans 3:7

‘Ha dhe el an eglos yn Filadelfia skrif: An taklow ma a lever neb yw sans, neb yw gwir, neb a'n jeves alhwedh Davydh, neb a iger, ha denvyth ny dhege, ha degea ha denvyth ny iger:

Diskwedhyans 4:8

Ha'n peswar kreatur bew, pubonan gans hwegh askell, yw leun a lagasow a-derdro hag a-ji, ha nyns eus powes dhedha dydh ha nos hag i ow leverel, ‘Sans, Sans, Sans, Arloedh Duw an Ollgalloesek, neb o, neb yw, ha neb a dheu.’